Шашақгүл тұқымдасы

Шашақгүл тұқымдасы, резеда тұқымдасы (Resedaceae) — қос жарнақты, бір екі немесе көп жылдық шөптесін өсімдіктер.

Resedaceae
Reseda lutea (Wild mignonette)
Reseda lutea (Wild mignonette)
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
(unranked) Rosids
Сабы: Brassicales
Тұқымдасы: Resedaceae
Тектері

See text.

Бұлар Жерорта теңізі мен Канар аралдарынан Солтүстік-Батыс Үндістанға дейінгі аймақтарда өседі. 6 туысы, 75-тей түрі бар. Қазақстанда 1 туысы — шашақгүл (Reseda), оның 3 түрі (бояулы шашақгүл, иісті шашақгүл және сары шашақгүл) бар. Бұлардың биіктігі 30 — 130 см. Сабағы тік өседі. Жапырақтары тұтас, кезектесіп орналасқан. Гүлдері ұсақ, қос жынысты, шашақ немесе масақ гүлшоғыры сабағының ұшында жетіледі. Аталығы (саны 3 — 40) мен аналығы андрогинофорда (гүлсерік пен аталықтар аралығындағы гүлсағақтың ұзарып өскен бөлігі) орналасады. Гүл күлтесі ақ, сары немесе жасыл сарғыш түсті болады. Мамыр — маусым айларында гүлдеп, шілде — тамызда жеміс салады. Жемісі — қорапша, онда өте көп ұсақ тұқымдары болады. Сары шашақгүлдің құрамындағы сары бояумен жүн маталары мен жібекті бояйды; хош иісті Шашақгүлді әсемдік үшін өсіреді.[1]

Дереккөздер өңдеу