Шымкент қаласындағы физика-математика бағытындағы Назарбаев Зияткерлік мектебі

Шымкент қаласындағы физика-математика бағытындағы Назарбаев Зияткерлік мектептері 2013 жылдың 16 ақпанында өз жұмысын бастады. Білім нысанының ашылу салтанатына Оңтүстік Қазақстан облысы әкімі Асқар Мырзахметов қатысты. Қазақстанның ірі аймақтарының бірі есептелетін Шымкент қаласындағы физика-математика бағытындағы Назарбаев Зияткерлік мектептері – осы білім ошақтары қатарындағы тоғызыншы мектеп болып есептеледі. Мұнда білім берудің сапасын көтеру, оқу процесіне инновацияны енгізу, педагогикалық кадрлар құрамының біліктілігін арттыру сынды жұмыстар қолға алынады. Ол үшін мектепте барлық жағдай жасалған.

Шымкент қаласындағы физика-математика бағытындағы Назарбаев Зияткерлік мектептері
Сурет:NIS-fmn.jpg
Nazarbayev Intellectual Schools Shymkent

Құрылысы өңдеу

Мектеп ғимараты меншікті жоспар негізінде жобаланған. Үш қабаттан, он төрт блоктан тұратын, 720 адамға арналған нысан. Күні бойы білім беруге бағытталған мектепте 360 орындық асхана жұмыс істейді.

Мектептің іші бірнеше бөлімдерге – жатын, оқу бөлмелері және зертханалар мен тіл үйрету блоктарына бөлінген. Жатын бөлімінде алыс аудандардан келіп білім алатын балаларға арналған 120 орындық жатақхана бар. Білім беру блогында 58 оқу кабинеті, оның ішінде 18 тіл үйрету бөлмелері, физика мен химия пәндерінің әрқайсына бес кабинеттен, тоғыз математика пәнінің кабинеті және төрт биология, география, тарих пен экология және өзге де пәндерге арналған кабинеттер бар. Олардың барлығы дерлік интерактивті, маркерлік тақталармен, ноутбуктермен қамтамасыз етілген. Сонымен қатар мектепте жеке білім алуға арналған аудиториялар, техникалық модельдеу, өнер технологиясы, психологиялық бейімдеу, педагогикалық және ақпараттық интеграциялау технологиясы мен лекция оқуға арналған бірнеше кабинеттер бар.

Физика, хамия, биология, нанотехнология, роботтық текхника саласының ауқымды зертханалары жас зерттеушілерге отандық және Ресей, Ұлыбритания, Германия мен АҚШ-тың алдыңғы қатарлы құрылғыларында, PASCO, PHYWE сынды және өзге де әлемдік брендтермен бірлесе жұмыс істеуге мүмкіндік береді. Сондай-ақ аталмыш компания өкілдері мектеп мамандарын жаңа техникамен жұмыс істеу ерекшеліктеріне үйретеді.

Мектеп – өз оқушыларына тек мәдени-танымдық қана емес, сонымен қатар спорттық орталық болуы тиіс. Мұнда түрлі мәдени шараларды ұйымдастыру үшін 378 орындық көпфункционалдық акт залы қарастырылған. Оның негізгі ерекшелігі сол, көрермен отыратын орын – кәсіби хореографилық холлға айналады. Одан өзге коммуникативтік қабілет, креативті ойлау мен көпшілік алдында сөз сөйлеу сынды қасиеттерді дамыту үшін мектепте ТВ НЗМ атты жеке телестудия жұмыс істейді. Мұнда балалар жеке жобаларын жүзеге асырып, мектепшілік бағдарламаларды жасап, телемонтаждың қыр-сырын меңгере алады. Шымкенттік оқушылар еліміздің тарихын тану бойынша жобаға қатысады.

Кітап қоры өңдеу

Назарбаев Зияткерлік мектептерінің кітапханалар қорына Шымкент қаласынындағы мектептердің де кітап мұрағаттары кірді. Мұнда ең үздік оқу- методикалық құралдар, отандық баспадан шыққан классикалық және көркем әдебиеттің алтын қоры іріктеліп алынған. Көптеген кітаптар жақын уақытта цифрлы нұсқаға көшіріліп, әр оқушы электронды абонемент арқылы «Абай жолы» немесе «Анна Каренина» сынды туындыларды кез-келген мобильді құрылғыдан оқи алады. Мектеп кітапханасының негізгі мақсаты – кітапты сақтап қою ғана емес, сонымен қатар балалардың ізденісін дамытып, мәліметтерді сараптап, сұрыптайтын ақпараттық орталыққа айналу.

Спорт өңдеу

Дене шынықтыру сабақтарын өткізу мен спорттық секциялар жұмысы үшін кіші және үлкен спорт залдары, тренажер, скалодром, футбол, волейбол, баскетбол алаңдары, теннистік корт пен жүгіру жолдары қарастырылған. Келешекте бұл жерде түрлі сайыстар, конкурстар мен қалалық біріншіліктер ұйымдастырылады. Сонымен қатар оқушылар хореография, музыка, гимнастика, шахмат, шашка, теннис, техникалық шығармашылық үйірмелеріне, сондай-ақ АЙЕЛТС тестін тапсыру дайындығы үшін эллективті курстарға қатыса алады.

Қажетті мәліметтер өңдеу

Мекен жайымыз: Шымкент қаласы, Қайтпас 2 шағын ауданы

Барлық сұрақтар бойынша: 8 (7252) 29 30 06

Электрондық поштамыз: инфо.фмш@ниш.еду.кз

Веб-сайт: фмш.ниш.еду.кз

Дерек көзі өңдеу