Шығу жұмысы

Шығу жұмысы – қатты не сұйық денеден вакуумға электрон бөліп шығару үшін жұмсалатын энергия. Электронның вакуумнан конденсацияланған ортаға ауысуы кезінде шығу жұмысына тең энергия бөлінеді. Сондықтан шығу жұмысы электронның конденсацияланған ортамен байланысының өлшеуіші болады. Шығу жұмысы – өткізгіш не жартылай өткізгіштер бетінің негізгі сипаттамасы. Ол осы беттегі электрондық эмиссия заңдылықтарын анықтайды. Өткізгіштердің, оның ішінде әсіресе металдардың шығу жұмысы толығырақ зерттелген. Қатты дененің шығу жұмысы оның материалына, беттік қабатының құрылысына және онда бөгде атомдардың болуына, сондай-ақ сыртқы электр өрісінің кернеулігіне тәуелді. Шығу жұмысының мәні туралы негізгі мәліметтер тәжірибеден алынады. -ді анықтау үшін эмиссиялық не түйіспелік (контактілік) құбылыстар пайдаланылады. Электрондардың не иондардың эмиссиясы пайдаланылатын электрвакуумдық приборларды, сондай-ақ энергияның термоэлектрондық түрлендіргіштерін құрастыру үшін шығу жұмысын білудің маңызы зор.

Сілтемелер

"Қазақ Энциклопедиясы", 9 том