Эндодерма

Эндодерма (грек. endon – ішінде және тері) – өсімдік сабақтары мен тамырларының орталық цилиндрлерін қаптап тұратын алғашқы қабықтың ішкі жасушалар тобы. Өсімдік сабағында Эндодерма аз дифференцияланып, құрамында екіншілік крахмал болады. Өсімдік тамырында Эндодерма қоректік заттарды тамырдың өткізгіш тіндеріне өтуін қамтамасыз етіп, оларды реттеп отырады. Ал сору қызметі тоқтаған тамыр бөліктерінде Эндодерма тамырдың орт. цилиндрін тамыр қабығынан оқшаулап тұрады. Сонымен Эндодерма – алғашқы қабықтан цилиндрге және керісінше өткізгіштік қызмет атқаратын физиол. кедергі болып табылады; қ. Тамыр. К. Жаңабеков