Ярданг, яранг (ұйғырша - жар, құлама қырқа) — аридтік сазды шөлдердің бедер пішіндері — басым желдердің бағытына сәйкес бір-біріне параллель созылған және онша енді емес қолаттармен және науалармен бөлінген, өткір қырқалы және құлама беткейлі симметриясыз ұзын, жіңішке жалдар. Ұзындығы ондаған м-ден бірнеше км-ге дейін, ені бірнеше метр, биіктігі, әдетте, 5 м-ге дейін болады. Көбінесе ұсақ сынықты тығыздалған көлдік және аллювийлік түзілімдерден құралады. Қырқалар мен қолаттардың ұштасуы бедердің ярданг типін құрайды. Ярданг, негізінде, Орталық Азия шөлдеріне тән.[1]

Ярданг (Техас)
Чаддағы метеорит кратеріндегі Аороунга ярдангтары

Дереккөздер өңдеу

  1. Қазақ тілі термиңдерінің салалық ғылыми түсіндірме сөздігі: География және геодезия. — Алматы: «Мектеп» баспасы, 2007. — 264 бет. ISBN 9965-36-367-6