Қабдылғалым Насырұлы Қаржасов

Қабдылғалым Насырұлы Қаржасов 1954 жылы 11 қаңтарда Павлодар облысы Ертіс ауданы Үлгілі ауылының И. Байзақов атындағы кеңшарында туған. Қазақ.

• Қыпшақ тайпасының Бұлтың руынан шыққан.

Әкесі - Қаржасов Насыр (1918-2001), тракторшы болған. Анасы - Қаржасова Бекзия (1922 ж. т.), зейнеткер, үй шаруасымен айналысқан.

Н.В. Гоголь атындағы Алматы көркемсурет училищесінің безендіру бөлімшесін бітірген (1980), суретші-безендіруші.

ҚР Көркемөнер академиясының толық мүшесі (2007 жылдан). Еңбектері Ә. Қастеев атындағы Мемлекеттік өнер мұражайында, Павлодар, Семей, Атырау және Қарағанды көркемсурет мұражайларының қорларында, Алматы қаласындағы жеке галереялардың коллекцияларында, Қазақстан, Франция, Германия, Канаданың жеке коллекцияларында сақталуда. Туындылары Нью-Йоркте (2008), Амстердам, Варшава, Вроцлава, Берлин, Штутгарт пен Мюнхеннің мұражайларында (2008-2009), Астана қаласындағы Тәуелсіздік сарайында (2009), «ОЮ» галереясында (Алматы, 2009), Мәдениет пен келісім сарайында (2010) көрмелерге қойылған. Санкт-Петербург қаласында жеке көрмесін өткізген (2008, мамыр-маусым).

Қазақ және орыс тілдерін біледі. 1974 жылдан - Павлодар облысы Ертіс ауданы Үлгілі ауылы И. Байзақов атындағы кеңшарының малшысы.

1975-1976 жылдары - Павлодар қаласы Автоматтандыру мен механикаландыру конструкторлық-технологиялық жобалау институтының және құрылыстық металл конструкциялары зауытының суретші-безендірушісі.

1980 жылдан бері - Павлодар көркемсурет-өндірістік шеберханасының суретшісі.

КСРО Суретшілер одағының мүшесі (1988 жылдан). «Құрмет» орденімен марапатталған (2001). «Қазақстан-2000» шеберлік сабағы» халықаралық өнер фестивалінің лауреаты. ҚР Президентінің стипендиаты (1997).

Діни көзқарасы - мұсылман.

Саяси қайраткер ретіндегі идеалы - Бейбарыс сұлтан, Абылай хан.

Қазақстанның болашағы туралы болжамы - «Демократиялық өркендеуші мемлекет».

Хоббиі - музыка, музыкалық аспаптар жасау.

Сүйіп оқитын әдебиеті - поэзия.

Үйленген. Жұбайы - Қаржасова Роза Темірханқызы, облыстық мал дәрігерлік зертханасының зертханашысы. Қызы - Айнұр (1983 жылы туған); ұлы - Бейбарыс (1994 жылы туған).