Қажытай Шалабаев өңдеу

Қажытай Шалабаев 01.06.1922 ж.Семей қаласында туған.Ұшқыш 3 жыл Отан соғысының ұшқышы болып, 50 жыл еңбек еткен ардагер. Бала жасынан кеме жөндеу зауытында еңбек етті. 7 жылдық мектептi бiтiріп, осы зауыт жанындағы 6 айлық ФЗО (фабрично-заводское обучение) мектебiнен темiршебер (слесарь) мамандығын алады. Семейдегi терi өңдеу комбинатында жұмыс iстеген. Кәсiбi- терi сұрыптаушы. 18 жасында Қажытай әскери комиссариатқа барып, Ақтөбе қаласындағы Азаматтық әуе флотының ұшқыштарын даярлайтын училищеге жолдама алды. 2 жылдық оқу орны әскери ұшқыштарды дайындайтын жедел оқыту-үйрету курсына дайындық кезінде Ұлы Отан соғысы басталып кеттi.Қажытаймен бiрге 4 жiгiт Армавирдегi әскери жойғыш (истребитель) ұшқыштарды даярлайтын 1 жылдық мектепке жiберiлдi.Бұл мектепте Пе-2 ұшағын игеруге дайындалып, 1942 жылдың басында майданға кеттi де,Ленинград және Балтық майданында жауды жаншыған 284-шi әуе дивизиясының 701-шi әуе полкiне келді.Қазақ даласының батыры Қажымұқан Мұңайтпасов өнерімен тапқан қаржысына ұшақ алып,оған Амангелді Имановтың атын беріп, 1945 жылы қан майданға жібереді. Бұл ұшақ 1945 жылы 1-ші Беларус майданындағы 284-ші авиация, 701-ші түнгі бомбардировщиктер авиаполкінің құрамындағы семейлік ұшқыш Қажытай Шалабаевқа беріледі. Осы ұшақпен 120-дан астам жауынгерлік тапсырманы орындады. Әскери әуе күштерімен бірге 1945 жылы 24 маусымда Мәскеудегі Жеңіс парадына қатысады. Қажытай Шалабаев 1944 жылы 355 ұшылым, 1945 жылы жасалған 136 ұшырылымға қатысады. 1944 жылы 20 қыркүйекте "Қызыл Жұлдыз" орденi, "аға лейтенант" шенi берiлдi."Ұлы Отан соғысының I-шi және II-шi дәрежелi" ордендерiмен, бiрнеше медальдармен марапатталады.08.05.2003 жылы 2003 жылы қайтыс болған.

Сілтемелер өңдеу

ҚАЖЫМҰҚАН МЕН ҚАЖЫТАЙ ҰШҚЫШ(қолжетпейтін сілтеме)
Қазақ спортының қаһармандары Мұрағатталған 17 мамырдың 2014 жылы.
Жауға қарсы ұшақ жасатқан Кенішбай ақын неге ескерілмей келеді?
Күш атасы — Қажымұқан