Қазақстан Республикасы Ұлттық қауіпсіздік комитеті

Қазақстан Республикасы Ұлттық қауіпсіздік комитеті (ҚР ҰҚК) — арнайы мемлекеттік орган болып, Қазақстан халқына бағынады. Басты бақылаушысы және басшыларын тағайындаушысы Қазақстан Республикасының Президент (бас қолбасшы) болып табылады. Басты мақсаты мемлекеттің қауіпсіздігін және біртұтастығын сақтау.

Қазақстан Республикасы Ұлттық қауіпсіздік комитеті
(ҚР ҰҚК)
Жалпы мағлұмат
Мемлекет  Қазақстан
Құрылған уақыты 13 маусым 1992
Оның алдындағы мекемелер Қазақ КСР Мемлекеттік қауіпсіздік комитеті (1954-1991)
Қазақстан Республикасы Мемлекеттік қауіпсіздік комитеті (1991-1992)
Мекемені басқарады Қазақстан Республикасының Президенті
Штаб-пәтері Қазақстан, Астана қ-сы
Қызметкерлер саны белгісіз (жасырын)
Жылдық бюджеті белгісіз (жасырын)
Төрағасы генерал-майор Ермек Сағымбаев
Ресми сайты
https://www.gov.kz/memleket/entities/knb

Басты қызметтері өңдеу

  • мемлекеттің, қоғамның, тұлғалардың қауіпсіздігі жолында мемлекеттік қауіпсіздік шараларын құрастыру және жүзеге асыру.
  • Қазақстан Респбликасына қажетті болған барлау қызметін жүзеге асыру ;
  • Қазақстан Республикасының қауіпсіздігіне қауіп төндіретін басқа мемлекеттік немесе жеке тұлғалардың барлау қызметтерін анықтау, тексеріп жолын кесу.
  • Қазақстан Республикасының біртұтастығына нұқсан келтіруі мүмкін болған, конституцияның күштеп өзгертілуіне немесе жойылуына әкелуі мүмкін болған террористтік не басқа да қызметтерді анықтап жолын кесу.
  • Қазақстан Республикасының Президентін, мемлекеттік органдарды, Қарулы күштерді және басқа да әскери ұйымдарды бейбіт және соғыс кезінде байланыспен қамтамасыз ету.
  • Мемлекеттік және баcқа да ұйымдарда, әскери қызметтерде шифрлік қызмет ұйымдастыру.
  • Қазақстан Республикасының мемлекеттік шекарасын күзету және қорғау.

Тарихы өңдеу

1992 жылы шілденің 13-і күні Президент Жарлығымен Қазақстан Республикасының Ұлттық қауіпсіздік комитеті болып қайта құрылды. Тәуелсіз Қазақстанның ұлттық қауіпсіздік органының тарихы осы күннен бастау алады.

Қазақстан Ұлттық қауіпсіздік комитеті үшін 12 жыл - даму мен қалыптасудың, тұрақты жетілудің жылдары болды. Комитет құрылымындағы барлық өзгерістер әлемдегі және елдегі ахуалмен тығыз байланысты болды, Елбасының тапсырмаларымен және уақыт талабымен анықталып отыр. Барлық реформалардың басты мақсаты - Комитетке жүктелген міндеттерді тиімді шешу, егемен Қазақстанның мүддесін қорғау болды.

Қазір Ұлттық қауіпсіздік комитеті - кез келген қатер мен сынаққа шұғыл да барабар жауап бере алатын икемді, әрі жоғары білікті арнайы қызмет. Өзінің қарсы барлау тұжырымдамасын жасау нәтижесінде шетелдік арнайы қызмет өкілдерінің әрекеттерін әшкерелеу, олардың белсенділігін бәсеңдету, Ұлттық қауіпсіздік комитетін бақылауға алу мүмкін болып отыр.

Төрағалар тізімдері өңдеу

  1. Болат Баекенов, қазан 1991 – желтоқсан 1993
  2. Сәт Тоқпақбаев, желтоқсан 1993 - қараша 1995
  3. Жеңісбек Жұмабеков, қараша 1995 – мамыр 1997
  4. Әлнұр Мұсаев, мамыр 1997 – Қыркүйек 1998
  5. Нұртай Әбіқаев, қыркүйек 1998 – тамыз 1999
  6. Әлнұр Мұсаев, тамыз 1999 - Мамыр 2001
  7. Марат Тәжин, мамыр 2001 – желтоқсан 2001
  8. Нартай Дүтбаев — 11 желтоқсан 2001 – 22 ақпан 2006
  9. Амангелді Шабдарбаев, 2 наурыз 2006 – 7 желтоқсан 2009
  10. Әділ Шаяхметов, 9 желтоқсан 2009 – тамыз 2010
  11. Нұртай Әбіқаев, 23 тамыз 2010 – 25 желтоқсан 2015
  12. Владимир Жұмақанов, 25 желтоқсан 2015 — 8 қыркүйек 2016
  13. Кәрім Мәсімов, 8 қыркүйек 2016 — 5 қаңтар 2022
  14. Ермек Сағымбаев, 6 қаңтар 2022 — қазіргі уақыт

Дереккөздер өңдеу