Қазақстан допты хоккей құрамасы
Әлем Чемпионаттарына Қазақстан құрамасы 1995 жылдан бастап қатыса бастады. 21 рет Әлем Чемпионатында бақ сынап, алты рет (2003, 2005, 2012, 2013,2014 және 2015 жылдары) қола жүлдеге ие болды. Он үш рет төртінші орынды иемденіп (1995, 1997, 2001, 2004, 2006-2011, 2016, 2018, 2019), 1999 және 2017 жылы бесінші орынды қанағат тұтты.
Қазақстандағы бендидің дамуы өңдеу
Негізі, допты хоккей біздің елде қарқынды түрде дамымаған. Тек Оралда «Ақжайық» деген командамыз бар. Бұл команда Ресей чемпионатының бірінші лигасында спорттық шеберліктен шыңдап жүр. Ал бір қаланың клубымен жүлделі орындарға сына қағу әсте мүмкін емес. Бірақ бүгінде ҚР құрамасының тізгінін ұстаған азаматтар жүлделі орынға ие болу үшін Ресей ойыншыларына иек артып келеді. Бұл тұрғыда Александр Ионкин мен Александр Осокин Ресей құрамасының сапына ілікпей қалған тәжірибелі ойыншыларды Қазақстан құрамасының сапына тартуда. Сол ойыншылардың арасында әлем чемпионаты кезінде Қазақстан құрамасының жейдесін киіп, ел намысын қорғағандары болмаса, Қазақстанғa үш қайнаса да сорпасы қосылмайтындары жетерлік. Араларында қазақ топырағында тәрбиеленген ойыншылар да баршылық. Тек ондайлар көп емес. Мұның басты себебі - бендидің олимпиадалық ойындар бағдарламасына ене алмай отырғандығынан.
Кеңес Үкіметі тұсында Алматының «Динамосы» дүрілдеп тұрған кездің өзінде, осы тәжірибе қолданылған. Сол кездің өзінде әйгілі «Динамоның» сапында Ресейдегі Орал өңірі мен Еділ жағалауының түлектері көп болған. ҚР спортының тарихындағы даңқты бапкер, ұлағатты ұстаз Эдуард Айрихтің дәнін қазақ жеріне әкеп еккен спорты осылай дүрілдеген.
2006 жылғы әлем чемпионаты алдында Норвегия тарапы «Қазақстан қулыққа салып, Ресей ұлттық құрамасының сапына ілікпей қалған орыс хоккейшілерін жинап алып жүр. 1999 жылға дейін өз хоккейшілерімен ойнады да, одан бері құрама сапын Ресей жігіттерімен жасақтап келеді. Олармен кездескен сайын, ылғи 30-дың ішіндегі жаңа хоккейшілерді кездестіреміз», – деп реніш білдірген. Алайда Халықаралық допты хоккей қауымдастығы «Қазақстан жаңа ойыншыларының бәрін да заң жүзінде орайластырып, өз құрамдарына алуда. Осы тұрғыдағы талаптардың бәрін орындап отырғандықтан, ешқандай кінә таға алмаймыз» деген болатын. Осымен сөз біткен. Содан бері қола медаль норвег бендишілерінің түсіне ғана кіреді...
Азия ойындары өңдеу
2010 жылдан бері бенди Қазақстанда ауызға жиі алына бастады. Себебі 2011 жылғы Алматы мен Астанада VІІ қысқы Азия ойындары өтеді. Осыған орай, жоғарыда айтылған әйгілі «Динамо» командасының сұр мергені, гол соғудан КСРО рекордшысы Евгений Агуреев «өз жерімізде өтетін Ақ Азиаданың бағдарламасына дүбірлі дода қожайындары ретінде бендиді қосқанымыз дұрыс. Өйткені бұл спорттың түрінен Азияда бізге қайрат көрсете алатын ешкім жоқ. Яғни жалпыкомандалық есепте бір алтын қоржынымызға оңайшылықпен түседі» деп ұсыныс тастаған-ды. Орынды пікір әзірше қолдау тауып отырған сыңайлы. Содан бері бендиді аз да болса, ескере бастадық. Мәскеуде өтетін әлем чемпионатында Азиядан екі команда қатысады. Қазақстан құрамасы «А» тобында бақ сынаса, Моңғолия төменгі топта сынға түседі. Естуімізше, допты хоккейді 2011 жылғы Қысқы Азия ойындары бағдарламасына енгізсек, құрлықтың шығыс бөлігіндегі кейбір елдер бұл спортты дамытуды қолға алып, команда жасақтамақ.
Әлем чемпионаты өңдеу
| Жыл | Орын | Қатысушылар |
|---|---|---|
| 1995 | 4 | 8 |
| 1997 | 4 | 9 |
| 1999 | 5 | 6 |
| 2001 | 4 | 7 |
| 2003 | 
|
9 |
| 2004 | 4 | 11 |
| 2005 |
|
11 |
| 2006 | 4 | 12 |
| 2007 | 4 | 12 |
| 2008 | 4 | 13 |
| 2009 | 4 | 13 |
| 2010 | 4 | 11 |
| 2011 | 4 | 11 |
| 2012 |
|
14 |
| 2013 |
|
14 |
| 2014 |
|
17 |
| 2015 |
|
17 |
| 2016 | 4 | 18 |
| 2017 | 5 | 18 |
| 2018 | 4 | 16 |
| 2019 | 4 | 20 |
Бас бапкерлері өңдеу
| Бапкерлер | ЖЖ |
|---|---|
| Борис Чехлыстов | 1992—1995 |
| Вячеслав Горчаков | 1995—1997 |
| Михаил Комков | 1997 |
| Сакен Нугманов | 1997—1999 |
| Александр Ионкин | 1999—2012 |
| Алексей Никишов | 2012—2016 |
| Ильяс Хандаев | 2018 — |
Қазіргі құрам өңдеу
Қазақстан ұлтық құрамасы 2019 Әлем Чемпионатында Ванерсборгта, Швеция.[1]
| Pos. | Age | Name | Club | |
|---|---|---|---|---|
| GK | 1 | Вячеслав Горчаков |  Ақжайық
| |
| GK | 33 | Бержан Ахметжанов | Ақжайық
| |
| DF | 5 | Болат Мұхит | Ақжайық
|
|
| DF | 7 | Еламан Әліпқалиев | Ақжайық
|
|
| DF | 8 | Андрей Гущин | Ақжайық
| |
| MF | 9 | Самат Аманшин | Ақжайық
| |
| MF | 14 | Сұлтан Қадыржанов | Ақжайық
| |
| MF | 11 | Қуаныш Теміралин | Ақжайық
| |
| MF | 17 | Петр Грибанов | Ақжайық
| |
| MF | 2 | Павел Чебаков | Ақжайық
| |
| MF | 25 | Евгении Щадрин |  Байкал-Энергия
| |
| MF | 22 | Илья Глухов | Ақжайық
| |
| FW | 20 | Азат Бектұрған | Ақжайық
| |
| FW | 10 | Рауан Исалиев | Сибсельмаш Новосибирск
| |
| FW | 19 | Артем Вшивков | Сибсельмаш
| |
| FW | 18 | Ескендір Нығманов |  Хевик Банди
| |
| FW | 95 | Максим Өтебалиев | Ақжайық
|