Қанатты сый

«Қанатты сый» — толық метражды көркем фильм. 1956 ж. Алматы көркем және хроника фильмдер студиясы шығарған.

Қанатты сый
Крылатый подарок
Жанры	балалар фильмі
Режиссёрі	Эмир Эмир Ибрағимұлы Файк, А. Слободник
Сценарийдің авторы	Максим Зверев, Владимир Шрейберг
Басты рөлдерде	Ғ. Нармағамбетов, А. Едігенов
Операторы	Исаак Гитлевич, Борис Сигов
Композиторы	Қапан Мусин
Кинокомпания	Қазақфильм
Мемлекет	КСРО
Тілі	орыс, қазақ
Шыққан жылы	1956

Сюжеті

Максим Зверевтің "Азаматтың бүркіті" повесінің сарыны бойынша.

Бір колхоздың жас натуралистері, олардың жануарларға деген сүйіспеншілігі, кеңестік балаларға тән тапқырлығы мен қайраттылығы туралы фильм. Колхоз аң фермасының юннаттарынан Серебрянка атты түлкі қашып кетті. Балалар ескі аңшы Мұхтар ағаны бүркіт көмегімен түлкіні ұстап беруді сұрайды. Аңшы келіседі. Түлкімен арпалыста бүркіт жеңіледі. Мұхтар аға қынжылады: құс осы күннен аңшылыққа жарамайды. Сонда балалар бүркіт балапанын ұстап, Мұхтар ағаға беруді шешеді. Хасен мен Саша тауларға жөнеледі. Бірақ көп ұзамай Саша аяғын қажап, қалып қояды. Хасен әрі қарай жалғыз өзі барады. Ол бүркіт ұясына жетіп, балапанды ұстауға тырысады. Бірақ оған ересек бүркіт шабуылдайды..

Таңертең орманшы Кузьмич балалармен бірге Хасенді іздеуге барады. Олар оны үңгірде табады. Бүркіттің балапанымен бірге балалар үйлеріне қайтарылады. Көп ұзамай орманшы Серебрянка атты түлкіні кішкентай балаларымен ұстайды. Оларды Кузьмич юннаттарға жібереді. Жаздың ыстық күндерінде юннаттар балық, сарышұнақтар мен тасбақаларды аулауды ұйымдастырады. Бұның барлығы аң фермасының түлкілерін тамақтандыру үшін керек.

Балалар арасында ұжымдық еңбек достығы нығаяды. Юннаттар жас бүркітті аңшылыққа үйретеді. Аңшылар күнінде балалар Мұхтар ағаға жас бүркітті сыйға береді.