Қояндытау жотасы

Қояндытау жотасыЖетісу Алатауының оңтүстік-батысындағы жота. Алтынемел жотасының шығыс жалғасы. Абсолюттік биіктігі 3459 м (шығысындағы Суаттау тауларында), орташа биіктігі 2500 – 3000 м. Қояндытау жотасын Тамшы асуынан шығысқа қарай шартты түрде Суаттау таулары деп атайды.

Қояндытау
Сипаттамасы
Тау жүйесі

Жетісу Алатауы

Пайда болған кезеңі

Палеозой, сондай-ақ тас көмір, пермь

Ұзындығы

55 км

Ені

20 км

Биіктігі

3459 м

Орналасуы

44°26′31″ с. е. 79°23′05″ ш. б. / 44.44194° с. е. 79.38472° ш. б. / 44.44194; 79.38472 (G) (O) (Я)Координаттар: 44°26′31″ с. е. 79°23′05″ ш. б. / 44.44194° с. е. 79.38472° ш. б. / 44.44194; 79.38472 (G) (O) (Я) (T)

Елдер

 Қазақстан, Жетісу облысы Кербұлақ және Панфилов аудандары жері

Қояндытау (Қазақстан)
Қояндытау
Қояндытау (Жетісу облысы)
Қояндытау

Географиялық орны өңдеу

Жетісу облысы Кербұлақ және Панфилов аудандары жерінде орналасқан. Батыстан шығысқа қарай 55 км-ге созылып жатыр, орта тұсындағы енді жері 20 км-ге жетеді.

Геологиялық құрылымы өңдеу

Геологиялық тұрғысынан жотаның жер қыртысы палеозойдың эффузивті және гранитті жыныстарынан түзілген. Сондай-ақ тас көмір, пермь дәуірінің шөгінділері де кездеседі.

Су торабы өңдеу

Солтүстік беткейінен Кескентерек өзенінің салалары бастау алса, оңтүстік беткейінен Көктерек, Бурақожыр, Қайшы өзендері бастау алады және осы өзендердің арналары тілімденген.

Өсімдігі өңдеу

Жота беткейінде биіктігі орташа тау ландшафтысы қалыптасқан. Оңтүстік және солтүстік беткейлерінің етегінің қоңыр және қызғылт қоңыр топырағында дала өсімдіктері өседі. Одан жоғарыда көк терек, ақ терек, қайың аралас жеміс ағаштарынан тұратын сирек орман қалыптасқан. Солтүстігінің 2500 м биіктігінде қарағай шоқтары кездеседі. Одан жоғарыда альпі шалғындары өседі.[1]

Дереккөздер өңдеу

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5