Қытай ғылым академиясы

Қытай ғылым академиясыҚХР-дің барлық ғылым саласындағы зерттеу жұмыстарын координациялайтын және ғылыми-зерттеу институттарына басшылық ететін жоғары ғылыми мекемесі. Қытай ғылым академиясы Нанкиндегі Орталық ғылыми-зерттеу академиясы мен Пекиндегі ғылыми-зерттеу академиясын біріктіру негізінде 1949 жылы қарашада құрылды.

Академияның бөлімдеріне және құрамы сайланатынпрезидент, 6 вице-президент пен бас хатшылардан тұратын Тұрақты комитетке Академиялық кеңес басшылық етеді. 1949 жылдары Қытай ғылым академиясының қарауында 16 ғылыми-зерттеу институты, 6 зертхана, 224 ғылыми қызметкер болды.

Кеңестік тәжірибені ескере отырып, Қытай ғылым академиясы өз жұмысын үш бағытта құрды: елдегі ғылыми жұмыстарға басшылық ету; ғылыми ұйымдар арасындағы қарым-қатынасты нығайту; шетелдік ғылым мен техникалық жетістіктерін зерттеп отыру. Зерттеу жұмыстарын өрістету және кадр даярлауда КСРО ғылым академиясы Қытай ғылым академиясына үлкен көмек көрсетті. 1954 жылы Қытай ғылым академиясы құрамында 4 бөлім болды: физика, химия және математика ғылымдары; биология ғылымдары және Жер туралы ғылым (1957 жылы ол биология және геология-география ғылымдары бойынша 2 бөлімге бөлінген); техника ғылымдары; қоғамдық ғылымдар. Алғашқы жылдары Қытай ғылым академиясының филиалдары Шанхай, Нанкин, Куньминде ғана болды.

1958 жылы ҚХР үкіметі провинция сайын, сондай-ақ автоном. аудандарда Академияның филиалдарын құру туралы шешім қабылдап, 1959 жылдың соныңда оның саны 26-ға жеткен-ді. Бірақ 1961-62 жылдары провинциялық филиалдары таратылып, 5 аудандық филиал ғана қалды. Ғылыми-зерттеу институттарының саны 1962 жылы 110-ға, ғылыми қызметкерлердің саны 8 мыңға жетті. Оның ішінде мың шақты адам ғылыми дәрежеге ие болған. Қытай ғылым академиясының 1967 жылы 10 мыңға жуық қызметкері болды, оның жартысына жуығы ғылыми қызметкерлер. Қытай ғылым академиясы құрамына Атом энергиясы жөніндегі комитет, ғылыми-техникалық университитет (ғылыми кадрлар даярлайды), Ғылыми және техникалық информация институты, арнаулы ғылыми-зерттеулік институттарына басшылық ететін түрлі ғылым саласындағы комитеттер кіреді.[1]

Дереккөздер өңдеу

  1. Қазақ совет энцеклопедиясы. 7 том.
Ортаққорда бұған қатысты медиа файлдар бар: Category:Chinese Academy of Sciences