Құрқылтайлар
Құрқылтайлар (лат. Remiz) – торғайтәрізділер отрядының бір туысы. Дене тұрқы 7,3 – 10 мм, салмағы 9 грамм. Еуропа мен Азияда 51° солтүстік ендікке дейін тараған, ұясын қыл, жүн, өсімдік талшықтарынан тоқып, сілекейімен желімдеп, екі бүйірінен кіріп-шығатын тесік қалдырып, екі бұтақтың түйіскен жеріне не жуан бұтаққа салады. 6 – 7, кейде 8 – 10 жұмыртқа салып, 12 – 14 күнде балапан шығарады. Ұяны қоразы салады, жұмыртқаны мекиені басады. Қазақстанда 3 түрі кездеседі. Кәдімгі құрқылтай Еділ-Жайық алқабында, Елек бойында орман, тоғайлы жерде көп, Талас-Шу, Балқаш-Алакөл алқабында өте сирек кездеседі. Қамыс құрқылтайы Арал теңізі, Сырдария, Шыршық, Балқаш-Алакөл алқабында жиегіне қамыс өскен өзен, көлдерде ұялайды. Қарабас құрқылтай Сырдария, Шу, Талас өзендерінің тоғайлы, тораңғылы алқабында өте көп. Іле, Талас Алатауларында 1500 – 1700 м биіктікке дейін мекендейді. Түрлі насекомдарды көп құртатындықтан орман мен баққа пайдалы.[1]
| Құрқылтайлар | ||||||||||||
|---|---|---|---|---|---|---|---|---|---|---|---|---|
.jpg) Кәдімгі құрқылтай (Remiz pendulinus)
| ||||||||||||
| Ғылыми топтастыруы | ||||||||||||
| ||||||||||||
| Түрлері | ||||||||||||
|
3 |
Дереккөздер өңдеу
- ↑ Қазақ энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — орнитология бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |