Үлкен Антиль аралдары

Үлкен Антиль аралдары — Вест-Индиядағы Антиль аралдарының батыс бөлігі. Ірілері — Куба, Гаити, Ямайка, Пуэрто-Рико. Кариб теңізі мен Атлант мұхитының аралығында. Тектоникалық құрылымы жағынан Оңт. Америка Андысымен қосылып, Кордильера қатпарлы белдеуінің Антиль — Кариб облысынн құрайды. Солт. тропиктен 18 с.е-ке дейінгі орнына сәйкес климаты тропиктік, ыстық. Қаңтардың орташа температурасы 20 — 24 С, шілдеде — 28 С шамасында. Жылдық жауын-шашын мөлш. таулардың шығыс және солт.-шығыс беткейлерінде 3000 мм-ден асады, аралдардың ішкі және оңт.-батыс бөліктерінде 1000 мм-ден кем. Өзендері қысқа, бірақ суы мол. Жағалаудағы және Атлант мұхитына қараған тау беткейлерін пальма, мәңгі жасыл емен, қырықбуын, т.б. ағаштардан тұратын ылғалды тропиктік ормандар жапқан. Қазіргі кезде олардың орнын қант құрағының плантациялары басып келеді. Аралдардың ішкі бөлігін саванна алып жатыр (түрлі пальма, мимоза, кактус, сүттіген, т.б.). Пайдалы қазбалардан темір (Куба, Гаити), хромит, марганец, мыс (Куба), алтын (Гаити), боксит (Гаити, Ямайка), т.б. кен орындары бар. Үлкен Антиль аралдарын Х.Колумб Америкаға жасаған саяхаттары кезінде ашқан.

Үлкен Антиль аралдары
ағылш. Greater Antilles, фр. Grandes Antilles, ис. Antillas Mayores
Сипаттамасы
Ірі аралыКуба
Жалпы ауданы207 435 км²
Ең биік нүктесі3087 м
Тұрғындар (2009 жыл)37 862 400 адам
Халық тығыздығы182,527 адам/км²
Орналасуы
22° с. е. 79° б. б. / 22° с. е. 79° б. б. / 22; -79 (G) (O) (Я)Координаттар: 22° с. е. 79° б. б. / 22° с. е. 79° б. б. / 22; -79 (G) (O) (Я) (T)
АрхипелагАнтиль аралдары
АкваторияАтлант мұхиты
Елдер Куба
 Гаити
 Доминикан Республикасы
 Ямайка
 Пуэрто-Рико
Үлкен Антиль аралдары (Вест-Үндістан)
Үлкен Антиль аралдары
Үлкен Антиль аралдары Ортаққорда