Әсия Әйіпқызы Беркенова

Әсия Әйіпқызы Бергенова (1950 жылы 22 сәуірде Қостанай облысы Әулиекөл ауданында туған) — айтыс ақыны. Қазақстанның халық ақыны (1990). Қостанай қаласының құрметті азаматы (2016). Қазақстан Мәдениет және Білім саласының Үздігі.

Әсия Әйіпқызы Беркенова
Туған күні	22 сәуір 1950 (1950-04-22) (73 жас)
Туған жері	Қостанай облысы Әулиекөл ауданы
Азаматтығы	Қазақ КСР  Қазақстан
Ұлты	қазақ
Мансабы	айтыскер ақын
Шығармалардың тілі	қазақ тілі
Марапаттары

Толығырақ

• Әсия Әйіпқызы Бергенова 1950 жылы 22 сәуірде Қостанай облысы Әулиекөл ауданы Нарынқолда дүниеге келген.
• 1972 жылы Қазақ мемлекеттік қыздар педагогика университетін (бұрынғы Қазақ қыздар педагогикалық институты) бітірген. Жоғарғы білімді педагог.
• 1972 - 1997 жылдары Наурызым, Әулиекөл аудандарында мектепте мұғалім болып жүмыс істеген.
• Қостанай қаласындағы Мемлекеттік тілді жеделдете үйрету орталығында қызмет істеген.
• Қазіргі таңда А.Байтұрсынов атындағы Қостанай мемлекеттік университетіндегі «Өнер» студиясына жетекшілік етеді.
• 1980 жылдардан бастап айтыс өнерінде.

Шығармашылығы

• Әсия Әйіпқызы айтысқа өткен ғасырдың 80-ші жылдарынан қатысып келеді.
• 1982-1983 жылдарда Қостанай облыстық ақындар айтысында
• Алматыда 1984 жылы өткен Кенен Әзірбаевтың 100 жылдығына арналған республикалық айтыста бірінші орынды жеңіп алған ол, бұдан кейінгі жылдарда талай мәрте республикалық айтыстардың жеңімпазы болды. Әсіресе, Абылай ханның 280 жылдығы, әнші Мұхиттың 150 жылдығы, Қажымұқан палуанның 120 жылдығы, Шақшақұлы Жәнібек батырдың 300 жылдығы тойларында оның айтыстағы дара таланты жарқырай көрінді, «Жарасым» атты қыз-жігіттер айтысында Сара атындағы жүлденің иегері атанды.
• Монғолия, Қытай, Өзбекстан, Қарақалпақстан, Ресей және Қазақстан ақындарының арасында өткен халықаралық айтыстың жүлдегері Әсия – Қостанай өңірінде Омар Шипиннен кейін Халық ақыны атағын алған дүлдүл ақын. Қазіргі уақытта Әсия Беркенованың есімі бүкіл жыр сүйер қауымға ғана танылып қоймай, елімізден тыс жерде тұратын қазақтарға да белгілі болып отыр.

Марапаттары

• Қазақ КСР Халық ағатру ісінің үздігі
• 1990 жылы Қазақ КСР Жоғарғы Кеңесінің жарлығымен Қазақстанның халық ақыны құрметті атағымен марапатталған
• Қазақстан Республикасының Мәдениет саласының үздігі (құрметті атағы)
• Қазақстан Білім Беру ісінің Құрметті қызыметкері атағының иегері
• 2016 жылы Қазақстан Республикасы тәуелсіздігіне 25 жыл медалі
• 2016 жылы Қостанай қаласының құрметті азаматы құрметті атағымен марапатталған.