Өгізтау

Өгізтау 1, 2 - палеолит заманының тұрақтары. Қарағанды облысы Ақадыр ауданы Өгізтау шатқалы маңында. 1984 ж. Орт. Қазақстан археол. экспед-ның (жетек. Ж.Құрманқұлов) тас дәуірін зерттеумен шұғылданатын отряды (жетек. Ж.Таймағамбетов) тапқан. Өгізтау 1 тұрағынан 252 тас артефактілер (өзектастар, қырғыштар, екі жағы өңделген құралдар және тас жаңқалары, т.б.) жинастырылған. Кейбіреулерінің сыртқы жағы дефляцияға ұшыраған. Осындай құралдар ескерткіштен солт-ке қарай 600 м жерден де табылған. Екі тұрақтағы тас коллекциясында диск тәрізді өзектастардың, үшбұрышты тас жаңқаларының болуы Өгізтау ескерткіштерін мекен еткен адамдардың тас өңдеу техникасынан хабары мол болғандығын айғақтайды. Өгізтау тұрақтарының материалдары мұнда байырғы адамдар мустье заманынан бастап мекендегенін дәлелдейді.