TEDx - TED тәжірибесімен бөлісу мақсатында адамдарды жинап дүние жүзінің әр түкпірінде қауымдастықтардың ұйымдастырып, өткізетін жергілікті іс-шаралар бағдарламасы.

TEDx жиындарында TED конференцияларының видеолары спикерлердің қатысып сөйлеген сөздерімен ұштасып жатады, сонымен бірге жан-жақты талқылаулар мен байланыстарға мүмкіндік ашады.

TEDx сөзіндегі "x" - тәуелсіз ұйымдастырылған TED-шара дегенді білдіреді.

TEDxАлматы өңдеу

Қазақстанда TEDx екі рет өткізілді:

  1. 12 қыркүйек 2010 жыл. Тақырыбы: "Өмiрдiң маңызды сұрақтарына жауап  бере отырып"
  2. 16 қыркүйек 2012 жыл. Тақырыбы: "Қаланы өзгертуге септігін тигізетін идеялар"

2010 жылдың 12 қыркүйегінде сөз сөйлегендер:

  1. Гүлнар Адамова – хореограф, Қазақстан Республикасына еңбегі сіңген қайраткер.
  2. Болат Атабаев – театр режиссері, драматург.
  3. Жұмажан Байжұмин – тарихшы.
  4. Альмира Наурызбаева – филолог, философ, мәдениеттанушы.
  5. Аружан Саин – тележүргізуші, қоғам қайраткері.
  6. Әлім Сайлыбаевинновациялық жобалар саласының сарапшысы.
  7. Такежан – музыкант, бард.
  8. Нұрлан Төреханов – дизайнер.
  9. Денис Урубко – спортшы, дүниежізінде сегізінші орында тұрған альпинист, әлемнің 14 сегізмыңдықтарының бәрін бағындырған.

2012 жылдың 16 қыркүйегінде сөз сөйлегендер:

  1. Айгүл Забирова, әлеуметтанушы
  2. Егор Коробейников, urbanurban.ru порталының басшысы, Мәскеу.
  3. Гвидо Бруггеман, қаланы жоспарлау маманы, Амстердам.
  4. Абай Ерекенов, кеңесші.
  5. Әсел Есжанова, 4×4 жобасының кураторы.
  6. Алмаз Шарман, медицина профессоры, Nazarbayev University.
  7. Бабур Тольбаев, кәсіпкер.
  8. Жания Әубәкірова, Құрманғазы атындағы Қазақ ұлттық консерваториясының ректоры.
  9. Асқар Байтасов, ресторатор
  10. Апалы-сіңлі Ғаббасовалар, режиссер-хореографтар, оқытушылар және балет әртістері.
  11. Рауан Кенжеханұлы, WikiBilim қоғамдық қоры.
  12. Дмитрий Жуков, «Вело-Алматы» және «Көк-Жайлауды қорғау» ынталы тобының мүшесі.

TEDx ұстанымдары өңдеу

  1. Армандаңыз. Ең жақсы, жоғары дәрежедегі, керемет сөз дайындауға тырысыңыз. Біз адамдар өмір бойы еске сақтайтын бірегей идеяларды іздейміз.
  2. Шынайы болыңыз. Өз арманыңызбен, іске деген құштарлығыңызбен, тіпті қорқынышыңызбен де бөлісіңіз. Осал жеріңізді көріп қояды деп қорықпаңыз. Жетістіктеріңізбен бірге сәтсіздіктеріңіз туралы да айтыңыз.
  3. Қиын нәрсені оңай қылып беріңіз. Ақыл-парасатыңыздың деңгейімен әсер етемін деп тырыспаңыз. Дерексіз сөйлемеңіз. Түсіндіріңіз! Мысалдар келтіріңіз. Шынайы оқиғалар туралы әңгімелеп беріңіз. Дәл, нақты, анық сөйлеңіз.
  4. Тыңдаушылардың көңіл-күйімен байланыс орнатыңыз. Біз бәріміз адамбыз, сондықтан сезім тілін жақсы түсінеміз. Адамдарды езу тартқызыңыз, күлкісін келтіріңіз, қажет болса жылатыңыз.
  5. Мақтаншақтыққа салынбаңыз. Мақтансаңыз аудиторияның қызығушылығынан айырыласыз.
  6. Еш нәрсені сатпаңыз! Сахнадан сатпақ түгіл, өз компанияңыз, өніміңіз туралы үстірт айтып өтуге де болмайды, тіпті көмекке ақша жинау, жәрдемдесуге бағытталған қайырымдылық шараларының жобалары туралы да айтуға болмайды.
  7. Талқылаңыз, таласыңыз! Пікірлердің бір жақты болмауы ойға қозғау салып, басқа да жақсы ой-пікірлерге итермелейді.
  8. Баяндама жасамаңыз! (Дәріс оқымаңыз!) Жұрт алдында сөйлеу талаптарына сәйкес сұхбат, пікірлесу, ой бөлісу түрінде өтуі керек. .
  9. Сіздің сөзіңіз 18 минуттан аспауы керек. Бұл уақыттан асып кетсеңіз, басқа сөйлеушілердің уақытын алып қоясыз.
  10. Алдын ала сөйлейтін сөзіңізге жаттығып дайындалыңыз. Достарыңыздың алдында сөз сөйлеп қанша уақыт алатынын, түсініктілігін, әсерін тексеріп көріңіз.

Сыртқы сілтемелер өңдеу

  1. TEDxАлматы