Арынов Ерлан Асатайұлы

Арынов Ерлан Асатайұлы - «Маркетингтік-сараптамалық зерттеулер орталығы» АҚ Басқарма төрағасы.

1966 ж. 8 маусымда Алматы қаласы туған. 1991 ж. Алматы автожол институтын бітірген, инженер-құрылысшы; 1997ж. ҚазМБА жанындағы Нарық институтын бітірген, экономист.

1991-94 жж. - «Казнефтедорстрой» тресі басқармасының учаске мастері, бастығы.

1994-95 жж. - ҚР Көлік инспекциясының Алматы облысы бөлімінің көлік инспекторы, жетекші инспекторы, бөлім бастығының орынбасары, бастығы.

1995-97 жж. - ҚР Министрлер Кабинеті жанындағы Шетелдік капиталды игеру жөніндегі комитетінің бас маманы, басқарма бастығының орынбасары.

1997 ж. - ҚР Қаржы министрлігінің басқарма бастығы.

1997-99 жж. - ҚР Стратегиялық жоспарлау және реформалар жөніндегі агенттігінің басқарма бастығы.

1999-2001 жж. - ҚР Экономика министрлігінің департамент директорының орынбасары міндетін атқарушы - басқарма бастығы.

2001-02 жж. - ҚР Экономика және сауда министрлігінің департамент директорының орынбасары - басқарма бастығы, департамент директоры.

2002-06 жж. - ҚР Индустрия және сауда министрлігінің департамент директоры, Инвестициялар жөніндегі комитет төрағасының орынбасары, төрағасы.

2006 ж. - «Қазына» орнықты даму қоры» АҚ басқарушы директоры.

2006 жылдан - «Маркетингтік-сараптамалық зерттеулер орталығы» АҚ Басқарма төрағасы. 3 мемлекеттік медальмен марапатталған.

Инвестиция мәселелері бойынша 20-ға жуық жарияланымның авторы. Жұмыстагы негізгі ұстанымы: «Уақытында үйге қайту». Іскер адамның бойындағы құнды қасиеттер: «Міндеттілік». Қазақстан қаржы аясына талдау: «Беделді халықаралық агенттіктердің қазақстандық екінші деңгейдегі банктерге жоғары кредиттік рейтингтер беруі Қазақстан қаржы аясының жақсарғанын көрсетеді».[1]

Дереккөздер өңдеу

  1. Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X