Астана қаласындағы физика-математика бағытындағы Назарбаев Зияткерлік мектебі
Астана қаласындағы физика-математика бағытындағы Назарбаев Зияткерлік мектебі — «Бірінші Президенттің 20 зияткерлік мектептері» деген мемлекеттік бағдарлама бойынша ҚР Бірінші Президенті Нұрсұлтан Әбішұлы Назарбаевтың бастамасымен ашылған тұңғыш мектеп. Оның іргесі 2009 жылдың ақпанында қаланған[1]. Мектеп жұмысының негізгі мақсаты — өзін-өзі дамытуға, жетілдіруге қабілетті және кәсіби, әлеуметтік орнын анықтай алатын көшбасшы қалыптастыру. Астана қаласындағы физика-математика бағытындағы Назарбаев Зияткерлік мектебіне қабылдау конкурстық негізде жүзеге асады[2].
| Астана қаласындағы физика-математика бағытындағы Назарбаев Зияткерлік мектебі (ФМБ НЗМ Астана) | |
 | |
| Негізгі ақпарат | |
|---|---|
| Құрылды | |
| Директоры |
Мейрам Әміржанұлы Жәкенов |
| Түрі |
Физика-математика бағытындағы зияткерлік мектеп |
| Мекенжайы | |
| Телефоны |
8 (7172) 79 72 72, 79 72 74 |
| Эл. поштасы | |
| Тілі | |
| Сайты |
http://www.ast.nis.edu.kz |
Жалпы білім өңдеу
Зияткерлік мектеп физика-математика бағытындағы білім беру бағдарламасын апробациялауда тәжірибелік алаң болып табылады. Сондықтан да мектептегі бағдарлы пәндер — физика, математика және информатика. Басты назарда жаратылыстану-математика бағытындағы пәндер болғанымен, гуманитарлық пәндер де тең дәреже оқытылады. Осыған байланысты зияткерлік мектептерде оқушылардың жан-жақты дамуына барлық жағдай жасалған.
Өзіндік дайындық өңдеу
Cабақтан кейін кітапханада, оқу-физикалық зертханаларда, мектептің тәжірибелік зертханаларында жеке жұмыстар жүргізіледі. Оқушылардың таңдауы бойынша студиялар, клубтар, үйірмелер және факультативтер жұмыс істейді. Сонымен қатар, үнемі ұйымдастырылатын түрлі әлеуметтік жобалар, науқандар, байқаулар, көрмелер, жарыстар, ғалымдармен кездесулер мектеп өмірін одан әрі жандандыра, қызықты ете түседі.
Оқу уақыты өңдеу
Сабақтар негізгі мектепте аптасына алты күн болса, бастауыш сыныптарда оқушылар бес күн оқиды. Оқу күні 08.30-да басталып, 17.00-де аяқталады. Оқушылар күніне үш мезгіл тамақтанады: таңғы ас, түскі ас және кофе-брейк.
Кітап қоры өңдеу
Мектеп кітапханасында ең үздік оқу-әдістемелік құралдар, отандық баспадан шыққан классикалық және көркем әдебиеттің алтын қоры іріктеліп алынған. Көптеген кітаптар жақын уақытта цифрлы нұсқаға көшіріліп, әр оқушы электронды абонемент арқылы «Абай жолы» сияқты туындыларды кез-келген мобильді құрылғыдан оқи алады. Мектеп кітапханасының негізгі мақсаты — кітапты сақтап қою ғана емес, сонымен қатар балалардың ізденісін дамытып, мәліметтерді сараптап, сұрыптайтын ақпараттық орталыққа айналу.
Спорт өңдеу
Дене шынықтыру сабақтарын өткізу және спорттық секциялар жұмысы үшін кіші және үлкен спорт залдары, тренажёр, скалодром, футбол, волейбол, баскетбол алаңдары және жүгіру жолдары қарастырылған. Келешекте бұл жерде түрлі сайыстар, конкурстар мен қалалық біріншіліктер ұйымдастырылады. Сонымен қатар оқушылар хореография, музыка, гимнастика, шахмат, дойбы, үстел теннисі, техникалық шығармашылық үйірмелеріне, сондай-ақ IELTS тестін тапсыру дайындығы үшін эллективті курстарға қатыса алады.
Сыртқы сілтемелер өңдеу
- Астана ФМБ НЗМ ақпараттық орталығы
- НЗМ жаңалықтары Мұрағатталған 5 қазанның 2013 жылы.
- Астана НЗ мектеп порталы