Асқар Әлирахымұлы Омарқұлов

Асқар Әлирахымұлы Омарқұлов (26 шілде 1958 жыл, Алматы қаласы) — заңгер, оқытушы-жаттықтырушы маман, қазақстандық «Динамо» дене шынықтыру және спорт қоғамы Республикалық қоғамдық бірлестігі төрағасының бірінші орынбасары.

Асқар Әлирахымұлы Омарқұлов
Туған күні	26 шілде 1958 (1958-07-26) (66 жас)
Туған жері	Алматы қаласы
Азаматтығы	Қазақстан
Ұлты	қазақ
Қызметі	Заңгер, оқытушы-жаттықтырушы маман

Өмірбаяны

• 1958 жылы 26 шілдеде Алматы қаласында туған;
• 1979 жылы Қазақ дене шынықтыру институтын оқытушы-жаттықтырушы мамандығы бойынша бітірген;
• 2004 жылы ҚР ІІМ академиясын Заңгер мамандығы бойынша бітірген;
• Еңбек жолын 1979 жылы БЖСМ самбо күресінен оқытушы-жаттықтырушы болып бастады;
• 1979 жылдың қараша айынан 1981 жылдың мамыр айына дейін Кеңес Армиясы қатарында қызмет өткерген;
• 1981-1983 Қазақ педагогикалық институтының оқытушысы;
• 1983-1984 «Динамо» Алматы Қоғамдық Кеңесінің нұсқаушы-әдіскері;
• 1984-1987 «Динамо» Қазақ Республикалық кеңесінің дене шынықтыру және спорт бөлімінің нұсқаушы-әдіскері;
• 1987-1993 «Динамо» Қазақ РК арнайы дене дайындығы орталығының аға инспектор – әдіскері;
• 1993-1994 «Динамо» Қазақ РК арнайы дене дайындығы орталығы бастығының орынбасары;
• 1994-1997 «Динамо» Орталық кеңесінің арнайы дене дайындығы орталығының бастығы;
• 1997-2002 «Динамо» Алматы қалалық кеңесі төрағасының бірінші орынбасары;
• 2002-2006 Алматы қаласы ІІД дене шынықтыру және спорт басқармасының бастығы;
• 2006-2008 «Динамо» Алматы қалалық кеңесі төрағасының бірінші орынбасары;
• 2008 жылдан бастап  Қазақстан Республикасының «Динамо» ДШСҚ Орталық кеңесі төрағасының бірінші орынбасары;
• Еліміздің құрама командаларын Олимпиада ойындарына дайындау жөніндегі штабты басқарды, оны ҚР БҒМ Ұлттық ғылыми-практикалық дене шынықтыру орталығы мен «Динамо» ОК  бірлесіп құрды.

Отбасы

Әйелі – Омарқұлова Баян Қайырбекқызы. Екі қызы бар: Әсем, Сәуле. Ұлы – Мағжан.

Мансап

• Запастағы полиция полковнигі атағы;
• ҚР ІІМ-нің еңбек сіңірген қызметкері;
• Қазақстан Республикасының еңбек сіңірген жаттықтырушысы;
• ҚР Олимпиадалық қозғалысының еңбек сіңірген қайраткері;
• ҚР еңбек сіңірген дене шынықтыру және спорт қайраткері;
• ҚР Білім беру ісінің құрметті қайраткері;
• ҚР құрметті спорт қайраткері;
• 1-дәрежелі Олимпиадалық қозғалыстың еңбек сіңірген қайраткері.

Марапаттар

• «Құрмет» Ордені (2015);
• «Ерен еңбегі үшін» медалі (2010);
• Қазақстан Республикасы Ұлттық Олимпиада комитетінің алтын ордені (2010);
• «Ресейдің қоғамдық танылуы» күміс ордені (2009);
• Қазақстан Республикасы Ұлттық Олимпиада комитетінің алтын ордені (2018);
• Моңғолия Ұлттық Олимпиада комитетінің алтын ордені (2019);
• «Қазақстан Республикасының Тәуелсіздігіне 10 жыл» медалі (2001);
• «Қазақстан Республикасының  Конституциясына 20 жыл» медалі (2015);
• «Қазақстан Республикасының Тәуелсіздігіне 20 жыл» медалі (2011);
• «Қазақстан Республикасының  Тәуелсіздігіне 25 жыл "медалі (2016);
• «Астана қаласына 10 жыл» медалі (2008);
• «Астана қаласына 20 жыл» медалі (2018);
• «Қазақстан Республикасы IIМ Ішкі әскерлеріне  20 жыл» медалі (2012);
• «Қазақстан полициясына 20 жыл» медалі (2012);
• «Қазақстан Республикасы Ұлттық ұланына 25 жыл» медалі (2017);
• ТМД Парламентаралық Ассамблеясы Кеңесінің «Дене шынықтыру, спорт және туризмді дамытуға сіңірген еңбегі үшін»  белгісі (2017);
• Ресей, Татарстан, Украина, Белоруссия, Қырғызстан, Моңғолия елдерінің медальдары мен құрмет белгілерін алған.