Аэронавигация

Аэронавигация белгіленген уақытта, берілген траектория бойынша бір пункттен екінші пунктке әуеде ұшу аппараттарын нақты, сенімді және қауіпсіз жүргізу туралы колданбалы ғылым. Аэронавигацияда навигациялық құралдарды және әдіс-тәсілдерді колданады және даярлайды, олардың көмегімен оптикалық траекториялар есептеліп, оның бойымен ұшу аппараттарын жүргізу қамтамасыз етіледі, кез келген уақытта ұшу аппаратының қозғалыс жылдамдығы мен бағыты, орны айқындалады. Ұшақ аралық навиғация Аэронавигацияның бір бөлімі болып табылады, ол ұшақтарды сапқа тұрғызу маневрлерін орындау және есептеу әдістері, сапта өз орнын ұстап тұру, қайта caп түзеу, таралу, ұрыстық реттің жазылу, ұшу кезіндегі жанармай қоры және қоштауда кездесу мен сапқа тұруды зерделейді.