Ақшеңгел каналы

Ақшеңгел каналы - ортағасырлық жасанды су арнасының орны. Аққұм аулынан оңтүстікке қарай 22 км, Ақшеңгел қыстауынан солтүстік-шығысқа қарай 2 км жерде. 2003 жылы Оңтүстік Қазақстан кешенді археологиялық экспедициясы (жетекші К.Байпақов) зерттеген. Канал Байырқұм не Ешкікөл жақтан тартылып келген секілді. Бағыты солтүстік-батысқа карай созылып жатыр. Ақшеңгел каналы 3 негізгі бөлікке жөне бірнеше майда тармақтарға бөлінген. Әрбір бөліктер қысқа тармақтар арқылы бір-бірімен байланыстырылған. Канал ені қос жолымен есептегенде 34, 23,28 метр Жал биіктігі 1,30 м, 1 м, 70 см аралығында, ені 3—4 метр. Осы маңайда ескі егістік алқаптар көптеп кездеседі. Каналдың Ақшоқат қыстауынан келер тұсы бұзылып, кейінгі жылдары егіншілікке пайдаланылған.[1]

ДереккөздерӨңдеу

  1. Отырар. Энциклопедия. – Алматы. «Арыс» баспасы, 2005 ISBN 9965-17-272-2