Аққабаның толқыны

Аққабаның толқыны — халық күйі[1].

Күй туралы деректер өңдеу

Бұл күй туралы екі дерек бар.

Оның бірі: Зейнұр Қоспақов нотаға түсірген сыбызғыға арналған қысқаша түсінік. Онда: "Күй Аққаба өзенінің ағысымен көтерілген толқынын суреттейді,"- делінген.

Екіншісі: Сапарғали Бегалиннің мәліметтерінен (қазір ҚР ғылым академиясында сақталған) - күйде Керей руынан шыққан асқан сыбызғышы Мұса туралы баяндалады. Ол кісі жалғыз қызын ұзатқанда өзінің жақсы көретін атын қоса беріп жібереді. Арада біраз уақыт өткен соң, Мұса қызының амандығын білуге бара жатып жолда "Аққабаның толқыны" деген күйін ойнайды. Мұны жылқыда жүрген Мұсаның аты естіп, жылқыдан бөлініп, қуанышын білдіре ауылды айнала шаба бастайды. Тек Мұса ауылға келгенде ғана тоқталады. Аттың сырын білетін Мұсаның қызы: „Аттың ойнақтауына қарағанда, менің әкем келе жатқан болуы керек,“ - деген екен дейді[2].

Дереккөздер өңдеу

  1. Қазақтың дәстүрлі 1000күйі.
  2. Қазақ музыкасы,Алматы 2005 жыл - 468 бет