Бабайқорған (бекініс)

Бабайқорған, Сасық бұлақ — 6 - 8 ғасырлардан сақталған көне бекініс орны. Жамбыл облысы, Талас ауданы, Ынтымақ қыстағының жанында.

Зерттеу жұмыстарын 1940 жылы археолог Е.К. Покровский жүргізген. Ұзындығы батыстан солтүстікке қарай 180 м, ені солтүстігінен оңтүстікке қарай 134 м, биіктігі 12 м, жұмыртқа тәрізді дөңес төбе. Қазба жұмыстарын жүргізу кезінде үстіңгі қабаттан 8 адамның мәйіті табылды. Олар 1921, 1931—33 жылы ашаршылық кезінде қаза болғандар деген жорамал жасалды. Төменгі мәдени қабатынан жазуы бар күйдірілген қыш тақта мен ыдыстар, қол диірменнің сынығы, тастан жасалған үккіш, келсап, соқаның басы, адам мәйіті салынған көзе табыттар, т.б. табылды.