Байламды су

тау жынысы қуыстары мен кеуектерінің жақтауларында ауырлық күші мен капиллярлық күштерден артығырақ дәрежедегі электрлік-молекулалық күштер көмегімен жабысып тұратын жерасты суы. Байламды суда сұйық судың басты қасиеттері жоқ, оны тау жынысыты кептіру арқылы (105-110°С температурада), немесе сығымдау арқылы (300-500 МПа қысым жағдайында) аластауға болады. Байламды судың екі түрін даралауға болады, олар: берік байламды су (бұл суларды адсорбциялық су немесе гигроскоптық су деп те атайды) - тау жынысыты қыздырғанда, иә болмаса сығымдағанда қозғалуға дәрменсіз байламды су; босаң байламды су (бұларды кейде "қабықшалық су" деп атайды) - тау жынысы түйірлерін қалыңдығы түрліше болып келетін қабықшалар түрінде көмкере отырып, сол қабықшаның қалың тұстарынан оның жұқа тұстарына қарай жылжуға қабілетті байламды су.