Балжан Мөрәліқызы Шәменова

Балжан Мөрәліқызы Шәменова - 1962 жылы 18 наурызда Қызылорда облысы Жалағаш ауданының «Коммунизм» кеңшарында туған. Қазақ. Алматы халық шаруашылығы институтының қаржы және несие факультетін бітірген (1984), экономист. Экономика ғылымдарының кандидаты (1994). Қазақ және орыс тілдерін біледі.

• 1979 жылдан - Қызылорда облысы №27 «Күрішкеңшарқұрылыс» тресінің жылжымалы механикаландырылған колоннасының 11-ші разрядты сылақшы-сырлаушысы.
• 1980 жылдан - Алматы халық шаруашылығы институтының студенті.
• 1984 жылдың тамызынан - Қызылорда облыстық қаржы басқармасының мемлекеттік кірістер бөлімінің аға инспекторы.
• 1984 жылдың желтоқсанынан - Н.В. Гоголь атындағы Қызылорда педагогикалық институтының саяси экономия кафедрасының оқытушысы.
• 1986 жылдан - Жамбыл гидромелиоративтік құрылыс институтының Қызылорда бөлімшесінің қоғамдық пәндер кафедрасының оқытушысы.
• 1992 жылдан - Ы. Жақаев атындағы Қызылорда агроөнеркәсіп өндірісі инженерлері институтының қоғамдық пәндер кафедрасының оқытушысы.
• 1994 жылдан - қоғамдық пәндер кафедрасының аға оқытушысы,
• 1995 жылдан - «Қаржы және несие» кафедрасының меңгерушісі.
• 1996 жылдан - Ы. Жақаев атындағы Қызылорда политехникалық институтының «Қаржы және несие» кафедрасының меңгерушісі.
• 1997 жылдың қаңтарынан - Қызылорда облыстық экономика басқармасының бастығы.
• 1997 жылдың қыркүйегінен - Қызылорда облыстық экономика және сауда комитетінің төрағасы.
• 1998 жылдан - Қызылорда облыстық экономика басқармасының бастығы.
• 2005 жылдан бері - Қызылорда облысы Экономика және бюджетті жоспарлау басқармасының бастығы. «Ерен еңбегі үшін» мөдалімөн марапатталған (2006).