Баргузин жотасы
Баргузин жотасы (орысша - Баргузинский хребет) - Ресейде Байкал Сыртындағы тау жотасы. Бурятияда, Байкал көлінің солтүстік-шығыс жағасын бойлай, Чивыркуй шығанағынан Жоғары Ангара өзеніне дейін созылып жатыр. Ұзындығы 280 км, ораташа биіктігі - 2000 м(ең биік шыңы 2841 м). Жоғарғы протерозойдың граниті мен кристалл тақта тасынан түзілген. Жотаның басы - үшкір келген биік құз, беткейлері қатты тілімделгендіктен шатқалды келеді. Батыс беткейінде 1200-1400 м биіктікке дейін қарағай, май қарағай, самырсын өседі, одан жоғарыда селдір самырсын орманы, субальпі, альпі шалғыны, тау тундрасы. Шығыс беткейінде 1400-1800 м биіктікке дейін жапырақты тайга болады [1].
| Баргузин жотасы | |
| Сипаттамасы | |
|---|---|
| Ұзындығы |
280 км |
| Ең биік шыңы | |
| Биіктігі |
орташа 2000 м |
| Орналасуы | |
|
54°42′00″ с. е. 110°24′00″ ш. б. / 54.70000° с. е. 110.40000° ш. б. (G) (O) (Я)Координаттар: 54°42′00″ с. е. 110°24′00″ ш. б. / 54.70000° с. е. 110.40000° ш. б. (G) (O) (Я) | |
| Елдер |
Ресей, Бурятия |
Дереккөздер өңдеу
- ↑ Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том