Батыс Тереңөзек мұнай кен орны
Батыс Тереңөзек мұнай кен орны — Каспий маңы ойысының оңтүстік-шығыс ернеуі маңындағы мұнай кен орны. Атырау облысында, Атырау қаласынан оңтүстік-шығысқа қарай 180 км жерде орналасқан. Кен орны 1953 жылы ашылған.
| Батыс Тереңөзек мұнай кен орны | |
| 46°33′09″ с. е. 53°13′30″ ш. б. / 46.552545° с. е. 53.2248974° ш. б. (G) (O) (Я)Координаттар: 46°33′09″ с. е. 53°13′30″ ш. б. / 46.552545° с. е. 53.2248974° ш. б. (G) (O) (Я) | |
| Ел |  Қазақстан |
| Аймақ | Атырау облысы |
| Ашылған уақыты | 1953 жыл |
Геологиялық құрылымы
өңдеуТектоникалық жағынан мұнай сыйыстырушы көтерілім қос қанатты тұз күмбезді қүрылымдармен байланысқан. Жоғарғы және теменгі бор түзілімдерінде 8 өнімді горизонт бар. Мұнай мен су -233, -718 м тереңдікте шектеседі.
Жатыс сипаты, құрамы
өңдеуӨнімді горизонттар терригендік таужыныстардан тұрады, жинауыштары кеуекті. Мұнайға қанығу коэффициенті 0,6-0,8. Мұнайдың тығыздығы 842-ден 946 кг/м3 дейін, күкірті 0,26-2,36%, парафині 0,15-2,31%. Мұнай жатынын құрамы хлоркальцийлі арынды су қоршаған. Кен орны 1956 жылдан игерілуде.[1]
Дереккөздер
өңдеу- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1