Бақтияр Әбілхайырұлы Алдашов

Бақтияр Әбілхайырұлы Алдашов(22.2.1954 ж.т., Жамбыл облысы, Талас ауданы, Ақкөл ауылы) – әлеуметтану ғылымының докторы (1994), профессор (1997).

ҚР Әлеуметтік ғылыми академиясының корреспондент мүшесі (1997). Жамбыл гидромелиорациялық-құрылыс институтын (1976) бітірген. 1976–78 ж. «Жамбылқұрылыс» тресінде аға инженер, 1978–85 ж. Жамбыл облысы атқару комитетінің құрылыс бөлімінде нұсқаушы, аға референт, бөлім меңгерушісі, 1986–91 ж. проректор, 1991–96 ж. Тараз сыртқы экономика ассоциациясы бас директорының халықаралық байланыстар жөніндегі проректоры қызметтерін атқарды. Алдашовтың 40-қа жуық ғылыми еңбегі, 1 монографиясы жарық көрген.

Тараз мемлекеттік университетінің менеджмент кафедрасының профессоры, Экономика және бизнес факультетінің деканы. 1976 жылы Жамбылдың гидромелиоративтік-құрылыс институтын бітіріп, инженер-құрылысшы мамандығын меңгерді. 1994 жылы әлеуметтану мамандығы бойынша "Нарықтық экономика жағдайындағы өмір сапасы" атты тақырыпта докторлық диссертация қорғады. Алдашовтың еңбектерінде Қазақстандағы қазіргі әлеуметтік-экономикалық процестерге талдау беріледі, нарықтық шаруашылық жүргізу жағдайындағы тұрғындардың өмір сапасының теорриялық және практикалық мәселелері ашып көрсетіледі. Оның еңбектерінде өмір сапасының әлеуметтанулық көрсеткіштеріне, әлеуметтік бағытталған нарықтық шаруашылық концепциясына ерекше мән беріледі. Сонымен қатар, Алдашов Қазақстан тұрғындарының этнодемографиялық құрылымын зерттеп, республикадағы этносаралық қатынастар концепциясын жасауға өз үлесін қосуда. 37-ден астам ғылыми еңбектің авторы. Солардың ішінде:

• Қазақстан тұрғындарының дамуының этнодемографиялық мәселелері: әлеуметтік аспектісі. Алматы, 1993.
• Нарықтық экономика жағдайындағы өмір сапасы. Алматы 1994.
• Социология. ЖОО-на арналған окулық. Тараз, 1999.
• Социология бойынша сөздік-анықтаушы. Тараз, 1999.
• "Қазақстан селоларының өлеуметгік дамуы туралы".
• "Селолық денсаулық сақгауды дамыту".
• "Нарықтық қатынастарды дамыту жөне ауыл шаруашылығында еңбек ресурстарын пайдалану".

Қазақстан әлеуметтанушылары Ассоциациясының мүшесі. ҚР білім жөне ғылым министрлігінің құрметті жұмыскері.