Бейдж
Бейдж немесе бедж[1] (ағылшын. badge) – иесі туралы ақпаратты жеткізу үшін қолданылатын, белгі, жапсырма, карточка түріндегі униформа, амуниция элементі. Бейдж оны таққан адамды танытуға мүкіндік беретін мәліметтерді (мәтін, график т.б.) қамтиды. Алғашқы аты – бирка.
Қолданылуы өңдеу
Бейджтің негізгі қызметі – бір-бірін білмейтін, бірақ белгілі бір жағдайдың әсерінен бір-бірімен араласуға мәжбүр адамдарды өзара таныстыру. Мысалы, жиналыс кезінде оның әрбір қатысушысына бейдж беріледі. Белгілі бір кәсіпорында, мекемеде, клиенттермен жұмыс жасайтын адамдар (сатушы, даяршы, кассир) бейдж таға алады.
Бейджтің жасалуы кезінде оның жеңіл оқылуына, танылу ерекшелігіне мән беріледі. Сонымен қатар, бейджтің бейнесіне, стиліне де мән беріледі, өйткені бейджтің сыртқы бейнесі арқылы шараның деңгейін, мәртебесін анықтауға болады.
Шараға қатысушылар категориясына байланысты олардың өзіндік элементтері болады. Бұл қатысушылар категориясын бірден айыруға мүмкіндік береді. Мысалы, қатысушы, тренер, қызметкерлер құрамы, ұйымдастырушы, пресса, эксперт, т.б.
Бейджтің түрлері: өңдеу
- Карточка (мәтінмен қоса)
- Жапсырмалар;
- Белгілер (кеудеге тағатын)
Қазіргі кезде, ең таралған түрі өзінің арзандығы мен қолдану ыңғайлығына байланысты карточкалар – ішінде мәліметі бар қағаз немесе пластикалық тіктөртбұрыш. Әдетте, олар бейджті таққан адамның аты-жөнін, оның қай мекемені танытып жатқанын көрсетеді. Кейде онда қосымша мәлімет болады (қызметі, логотип). Кей жағдайларда бейджті таққан адамның суреті тұрады.
Карточкалар, көбінесе қалтаға немесе ұстағышқа орнатылады, әдетте қысқыш, бау, түйреуіш, жіп сияқты бекіткіштері болады, ұстаушының киіміне орнатуға немесе мойынына іліп қоюға болады.
Жұмысшылардың бейджтерін кей кездері рұқсаттамамен қатар қолданады, оның өзі электронды болуы мүмкін. Сондай бейджтер жіп арқылы мойынға тағылады, оны турникет пен валидаторға жеңіл жақындату үшін жасалады.
Жапсырмалар, әдетте, карточканы қолдану қиындаған кезде, бейресми жағдайларда пайдаланылады.
Омырауға тағатын белгіні металл, пластмасса, ағаш және басқа да материалдардан жасайды. Басқа бейджтерден басты ерекшелігі – мәтіні аз немесе мүлдем жоқ, ұстаушыны пішінімен немесе логотип арқылы оңай тануға мүмкіндік береді. Оның айқын мысалы – полиция қызметкерінің жетоны немесе шерифтің қаңылтыр белгісі.