Бекбауыл Өтейұлы

 Бекбауыл би Өтейұлы (туған жылы мен өлген жылы белгісіз) – кіші арғынның он екі ата атығай тармағына жататын Әйдерке руынан шыққан ел ағасы. Тәуке ханның тұсында шамамен ХVІІ ғасырда өмір сүрген. Қазіргі Қызылорда облысында Бекбауыл деп аталатын темір жол станциясының төңірегін мекен еткен. Еліміздің оңтүстік өңіріндегі Шыршық өзеніне көпір салынған тұс «Бекбауыл өткелі» деп аталады. Ел ауызында бидің өмірі мен азаматтық тұлғасын арқау еткен «Бекбауыл жыры» деген дастан сақталған. Осындай мүліктік деректерге қарағанда Бекбауыл би елге басшы, жерге ие, досы сүйсініп, дұшпаны қаймығатын беделді адам болған. Дүние салғаннан кейін бидің мәйіті Түркістандағы Қожа Ахмет Иассауи мазарына жерленген [1]
  1. ТОРҒАЙ ЕЛІ. Энциклопедия / Құраст. Т.Рсаев. – Алматы: «Арыс» баспасы, 2013 ж.