Бекбике-Есболат мұнай кен орны

Бекбике-Есболат мұнай кен орныАтырау облысы Атырау қаласының шығысында 140 км жерде орналасқан кен орны. 1911 жылы ашылған. 1926-1955 жылдары барланып, 1948 жылдан бері мұнай өндіріліп келеді.

Геологиялық құрылымы өңдеу

Мұнай пермь жүйесінің төменгібөлімінің, триас, юра, бор жүйелерінің жыныстарында кездеседі. Тұз күмбезінің ядросы 600-700 м тереңдікте жатыр. Оның астындағы шөгінділер грабен арқылы бірнеше телімдерге бөлінген.

Тығыздығы өңдеу

Мұнайлы қабаттардың қалыңдығы 2-12 м, ауданы 10-36 га. Олар сазды ұсақ құмнан тұрады. Мұнай су қысымының күшімен шығарылады. Мұнайдың меншікті салмағы 880,4-900 кг/м33-ге, күкірт мөлшері 0,15%-ға тең. Құрамында еріген газ бар.