Бекенов Бектұрған Бекенұлы

Бекенов Бектұрған Бекенұлы- Екінші дүниежүзілік соғыстың ардагері, «ІІ дәрежелі Отан соғысы» орденінің иегері.

ӨмірбаянӨңдеу

Бекенов Бектұрған Бекенұлы 1919 жылы Солтүстік Қазақстан облысы Совет (қазіргі Аққайың) ауданындағы Аралағаш ауылында дүниеге келген. 1937 жылы Петропавл қаласындағы ауылшаруашылық техникумының екінші курсын, 1939 жылы мұғалімдер институтының бір курсын, 1953 жылы Петропавл педагогикалық институтын бітірген. Бейнетқор ауданындағы Рублевка орталау мектебінде мұғалімдіктен еңбек жолын бастаған. Осы қызметтен Бейнетқор аудандық партия комитетінің іс жүргізушілігіне алынады. Екі жыл аталған ауданның атқару комитетінің жауапты хатшысы болып істейді. Зайыбы Күлтай Ыбырайқызымен үш бала тәрбиелеп өсірді. Ұлы Аманжол запастағы офицер, қыздары Гүлмира – ғылым кандидаты, Бибігүл – екеуі де жоғары оқу орындарының оқытушылары.

Ұлы Отан соғысына қатысуӨңдеу

Ұлы Отан соғысы басталған жылы Орта Азия әскери округінің Ош қаласындағы саяси құрамды жетілдіру курсынан өтеді. Атты әскер дивизиясының екінші эскадронында саяси жетекші, Оңтүстік майданда пулемет ротасы командирінің орынбасары, Украин майданында батальон командирінің саяси бөлім жөніндегі орынбасары қызметтерін атқарады. 1944 жылы желтоқсанда жараланып, Украинның Гадян қаласында емделгеннен кейін 1945 жылы маусымда елге оралады.

МарапаттарыӨңдеу

Бектұрған Бекенұлы «Қызыл Жұлдыз», 2-дәрежелі «Отан соғысы» ордендерімен, «Жауынгерлік ерлігі үшін», «Германияны жеңгені үшін», «Еңбектегі ерлігі үшін», «Тың және тыңайған жерлерді игергені үшін», «Ерлік еңбегі үшін, В.И.Лениннің туғанына 100 жыл толуы құрметіне» медальдарымен, Қазақ КСР Жоғарғы Кеңесінің Құрмет грамотасымен, Қазақ КСР Білім Министрлігінің, Солтүстік Қазақстан облыстық атқару комитетінің грамоталарымен марапатталған.

Пайдаланған әдебиеттерӨңдеу