Бюджеттің атқарылуы

Бюджеттің атқарылуы - бюджеттік үдерістің қорытынды (аяқталу) сатысы. Мұнда бюджеттік қор қалыптасып, пайдаланылады. Негізгі міндеттер - салықтар мен салыққа жатпайтын кірістің толық жəне уақытылы қаржыландыру. Бюджеттің атқарылуын ұйымдастыру, оның атқарылуының өзі жəне бюджеттік қаражатын басқару атқарушы билік органдарына жүктелген. Қазақстан Республикасында бюджеттік атқарылу бойынша Қаржы министрлігі, оның қарамағындағы Қазынашылық комитеті тікелей жұмыс жүргізеді. Республикалық бюджеттің атқарылуы 31 желтоқсанда аяқталады. Кез-келген деңгейдегі бюджеттік атқарылу мемлекеттік билік органдарының тұрақты бақылауында болады. Мемлекеттік атқарушы билік органдары тарапынан қаржы бақылауын Бюджеттің атқарылуын тексеру жөніндегі Есеп комитеті, Қаржы министрлігінің Қаржылық бақылау комитеті, Қаржы полициясы, жергілікті өзін-өзі басқару органдары жүргізеді. Қаржы органдары қаржы жылының аяғында бюджеттік атқарылу туралы есеп жасап, оны тиісті атқарушы билік органдарына қарап, қорытындылау жəне өкілетті органдарға беру үшін табыстайды. [1]

Дереккөздер өңдеу

  1. Қаржы-экономика сөздігі. Алматы баспасы