Вавилон аласапыраны

“Вавилон аласапыраны” — ежелгі еврей аңызы. Адамдар топан су тоқтағаннан кейін Қосөзен (Евфрат пен Тигр өзендері) аралығында аспан мен жерді жалғастырып тұратын қала мен биік мұнара салмақшы болады. Інжіл бойынша, адамдардың астамшылдығына ашуланған Құдай олардың “тілдерін өзгертіп жібереді”. Халық бір-бірін түсінуден қалып, жер бетінің барлық түпкір-түпкіріне тарап кетеді. Салынып бітпей қалған қала аңызда Вавилон деп аталады. Екінші мағынасында “Вавилон аласапыраны” тіркесі не істерін білмеген адамдардың бей-берекет іс-әрекеттерін білдіреді. [1]

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том