Валюталық түсім / Валюта түсімі — тауарлар мен көрсетілген қызметтер экспортынан (шетке шығарудан), атаулы етілген шетел валютасымен бағалы қағаздар шығарудан, сондай-ақ халықаралық несиеден түскен валюталык ақшалай түсім сомасы. Валюталық түсім жүргізу және билеу тәртібі елдін ұлттық заңдарымен оның ұлттық валютасының режиміне қарай белгіленеді. Мемлекеттік валюталық монополия үстемдік ететін елде Валюталық түсім мемлекеттің қарамағына толық түседі. Толық айырбас- талымды валютасы бар елде Валюталық түсімді тікелей экспортшы билейді. Валютасы шектеулі (валютасы ішінара айырбасталатын) елде Валюталық түсім мемлекет пен экспортшы кәсіпорындар арасында бөлінеді. Вaлюталық жалпы (брутто) түсім және валюталық таза (нетто) түсім түрлеріне ажыратылады.[1]

ДереккөздерӨңдеу

  1. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2