Валюта резервтері

Валюта резервтері — белгілі бір мемлекеттің халықаралық есеп айырысуға, кездейсоқ жағдайларға және валюта рыногын реттеуге арналған, орталық банкінде не қаржы мекемелерінде, сондай-ақ халықар. валюталық-кредиттік ұйымдардағы алтын мен шет ел валютасынан тұратын қоры. Орталық банк пен қазынашылықтың, т.б. мекемелердің қолындағы шет ел валютасы елдің ресми валюта резервтерінің құрамына, ал халықаралық есеп айырысу қызметін атқаратын коммерциялық банктердің шет ел валютасынан тұратын қаржылары елдің жалпы валюта резервтерінің құрамына кіреді. Халықаралық валюта қорына мүше елдің қор капиталына алтын түрінде берген сомасы да ресми валюта резервтерінің құрамына жатады. Халықаралық есеп айырысуда импорт кірісінен төлемнің уақытша артуын өтеу үшін әр ел валюта резервтерін жасайды. Елге қажетті валюта резервтерінің мөлшері шет ел валютасының шығысы мен кірісі арасындағы айырмашылық мөлшеріне байланысты. Валюта резервтерінің болуы елдің халықаралық есеп айырысуда төлем қабілеттілігін білдіреді.

Тенге

Алтын-валюта резервтері

Орталық банктер мен қазынашылықтардың қолындағы алтынның және шетел валютасының орталықтандырылған қоры. Бұл мекемелер оны халықаралық есеп айырысулар мен көлемдер үшін пайдаланады. Алтын-валюта резервтерінің құрамына сапасы жағынан әр түрлі әлеметтер кіреді: алтын, резсрвтегі валюталар, С ДР (өзара ау ы с т ы ру арнайы құқықтары). Алтын-валюта резервтері сыртқы есеп айырысуды реттеп отыру, төлем балансының тапшылығын жабу үшін пайдаланылады: әдетте, бүл үшін шетел валютасының резервтері қолданылады, алайда алтын-валюта резервтері біркелкі бөлінбейтіндіктен, ондай мүмкіндік шектеулі.