Вячеслав Михайлович Молотов

	Вячеслав Михайлович Молотов;
	;
	КСРО министрлер кеңесі төрағасы
	КСРО министрлер кеңесі төрағасы
19 желтоқсан 1930 — 6 мамыр 1941
Ізашары	Алексей Рыков
Ізбасары	Иосиф Сталин
Өмірбаяны
Партиясы	Кеңес Одағы Коммунистік Партиясы
Дүниеге келуі	9 наурыз 1890 ; Кукарка, Ресей империясы
Қайтыс болуы	8 қараша 1986 (96 жас); Мәскеу, Ресей КФСР, КСРО
Қолтаңбасы
	өңдеу

Вячеслав Михайлович Молотов (Скрябин) (9.03.1890, Кукарка, Киров облысы, – 8.11.1986, Мәскеу) — Кеңес Одағының саяси қайраткері. 1906 жылдан КОКП-ның мүшесі.

Санкт-Петербург политехникалық институтында оқыған (1911 – 12). Қазан төңкерісі тұсында (1917) Петроград Әскери революция көтерілісінің (ӘРК) мүшесі болды. 1919 жылдан кеңестік және партиялық жұмыстар атқарды. 1921-30 жылы БК(б)П ОК-нің хатшысы, 1930-41 жылы КСРО Халық Комиссарлары Кеңесінің (ХКК) төрағасы, 1941-42 жылы және 1946-53 жылы КСРО ХКК төрағасының бірінші орынбасары, сонымен бірге 1942-45 жылы Мемлекеттік Қорғаныс комитеті (МҚК) төрағасының орынбасары, 1939-49 жылы және 1953-56 жылы КСРО Сыртқы істер халық комиссары, министрі болды. СОКП ОК Саяси Бюросы (Төралқасының) мүшесі (1926-57). И.В. Сталиннің айналасындағы саяси топтың құрамында 1930 жылдар және 50-жылдардың бас кезіндегі жаппай қуғын-сүргін науқанын белсенді ұйымдастырушылардың бірі болды. Молотов 1939 жылы 23 тамызда өзара шабуыл жасаспау жөніндегі кеңес-герман келісім шартына КСРО атынан қол қойды. 1957 жылы Л.М. Каганович, Г.М. Маленковтармен, т.б. бірге Н.С. Хрущевтің саяси бағытына қарсы шыққаны үшін КОКП ОК мен ОК Төралқасының құрамынан шығарылды. 1957-62 жылы дипломат. жұмыстарда болды (1957-60, КСРО-ның Моңғолиядағы елшісі; 1960-62, Венадағы атом қуаты жөніндегі Халықараралық агенттікте Кеңес өкілдігінің басшысы). 1962 жылы зейнеткерлік демалысқа шықты.^[1]

Дереккөздер өңдеу

↑ «Қазақстан»: Ұлттық энцклопедия / Бас редактор Ә. Нысанбаев — Алматы «Қазақ энциклопедиясы» Бас редакциясы, 1998 ISBN 5-89800-123-9, XI том 27 бет.

[1] «Қазақстан»: Ұлттық энцклопедия / Бас редактор Ә. Нысанбаев — Алматы «Қазақ энциклопедиясы» Бас редакциясы, 1998 ISBN 5-89800-123-9, XI том 27 бет.

[1]