Геннадий Николаевич Матросов

Матросов Геннадий Николаевич (1948 жылы туған, Бурабай ауданы Дмитриевка ауылы) – экономист, саясаттанушы. Петропавл мемлекеттік педагогикалық институтын (1975), КОКП ОК жанындағы Қоғамдық ғылымдар академиясын (Мәскеу[, 1984) бітірген. Бурабай ауданы комсомол комитетінде, Көкшетау қалалық және облыстық комсомол, партия комитеттерінде қызметте (1968 – 82), 1982 жылдан КОКП ОК жанындағы Қоғамдық ғылымдар академиясында тыңдаушы (Мәскеу), 1984 жылдан Рузаев ауданы атқару комитетінің төрағасы, 1987 жылдан облыстық партия комитетінде бөлім меңгерушісі, 1988 жылдан Көкшетау облыстық атқару комитетінде бөлім бастығы, 1993 жылдан сыртқы экон. байланыстар к-ті төрағасының орынбасары, 1996 жылдан Көкшетау облыстық әкімдігі Сауда басқармасы бастығының орынбасары, 1997 жылдан Солтүстік Қазақстан облыстық Өнеркәсіп департаментінің бас маманы, 1998 жылдан шағын кәсіпкерлікке қолдау көрсету бөлімінің бастығы, Көкшетау қ. әкімі аппаратының жетекшісі, 1999 жылдан облыстық Жолаушылар тасымалы департаменті бастығының орынбасары, бастығы, 2004 жылдан облыстың Құжаттама және мұрағат басқармасының бастығы қызметтерін атқарған. Көкшетау облысында ауданы, қалалық, облыстық Халық депутаттары кеңесінің депутаты болып сайланған. «Құрмет Белгісі» орденімен, медальдармен, ҚР Президентінің алғыс хатымен (2001) марапатталған.

Дереккөздер

«Ақмола облысы» энциклопедиясы