Гордон Рамзи

Гордон Джеймс Рамзи (ағылш. Gordon James Ramsay; 8 қараша 1966 жыл, Джонстон, Шотландия) — британдық шеф-аспаз, ресторатор, тележүргізуші және жазушы. Рамзи Шотландияның Джонстон қаласында дүниеге келіп, Англияның Стратфорд-апон-Эйвон қаласында өсті. 1997 жылы Рамзи өзінің ғаламдық Gordon Ramsay Restaurants мейрамхана тобын құрды. Жалпы алғанда, Гордон Рамзидің мейрамханалары 16 Мишлен жұлдызына ие болды — бұрын бұндай жетістіктерге тек француз шефтері ғана жеткен еді — және қазіргі уақытта жетеуі бар. Рамзи 1999 жылы британдық «Қайнау нүктесі» мини-сериалында танымал болғаннан кейін, 2004 жылға қарай Ұлыбританиядағы ең танымал және ықпалды аспаздарының бірі болып аталды.

Реалити-шоудың тележүргізушісі ретінде Рамзи өзінің шапшаңдығымен, сондай-ақ қатал мінезімен және қорлауды жиі қолдануымен танымал. Ол теледидар, кино, қонақ үй бизнесі және тамақ өнеркәсібі саласындағы қызметті біріктіреді, сонымен қатар өз қанатында оқыған түрлі аспаздарды жалдады. Рамзи Британдық «Тозақ ас үйі» (2004), «Рамзидің ас үйдегі қорқыныштары» (2004-2009) және «F сөзі» (2005-2010) сияқты бәсекеге қабілетті кулинарлық телебағдарламалардың жүргізушісі болуымен көрермендер арасында танымал болды.

Рамзи 2006 жылы Патшайым Елизавета ІІ бастауымен Британ империясының кавалері орденінің иегері атағымен тағайындалды. 2006 жылдың шілдесінде Гордон Рамзи «Жылдың тәуелсіз рестораторы» номинациясында Catey сыйлығын жеңіп алып, үш Catey сыйлығын жеңген үшінші адам болды. 2020 жылы Forbes Рамзиді соңғы 12 ай ішіндегі кірісін 70 миллион долларға бағалап, әлемдегі табысы ең жоғары атақты адамдар арасында 19-шы орынға қойды.

Өмірбаяны

Ерте өмірі

Гордон Джеймс Рамзи 1966 жылы 8 қарашада Шотландияның Джонстон қаласында дүниеге келді. Әкесінің белсенді (бірақ сәтсіз) коммерциялық қызметіне байланысты ол балалық шағын тұрақты көшулерде өткізді. 1976 жылы отбасы ақыры Стратфорд-апон-Эйвон қаласында қоныстанды. Рамзи балалық шағында футболмен айналысқан және 12 жасынан бастап Уорикшир қаласының тобы үшін «14 жасқа дейінгі ұлдар» санатында ойнай бастады. 19 жасында ол "Рейнджерс" клубында ойнауға шақыру алды, бірақ сол аяғындағы мениск жарақаты футболдағы болашақ мансабын тоқтатуға мәжбүр болды.

Мансабы

Мектепті бітіргеннен кейін Рамзи қонақ үй мен мейрамхананы басқаруды үйрететін колледжге оқуға түсті. Аяғының жарақаты кесірінен футбол саласында мансабын құра алмайтындығы белгілі болғаннан кейін Гордон Рамзи кулинарияға көбірек кірісе бастады. Колледжді бітіргеннен кейін ол Лондонға көшіп, Марко Пьер Уайттың басшылығымен беделді Харви мейрамханасында алғашқы жұмысын алды.

Шеф-аспаз

Бермудтағы бір жылдық "желкенді" демалыстан кейін Рамзи Лондонға оралып, Челсидегі La Tante Claire-де шеф-аспаз орынына ие болды. Алайда, көп ұзамай бұрынғы тәлімгері Альберт Рудан Aubergine (сол кезде Rossmore деп аталған) мейрамханасында бас шеф-аспаз орнын алуға шақыру келді. Рамзи жаңа жұмысқа кірісті және төрт жыл ішінде мейрамхананың рейтингін екі Мишлен жұлдызына дейін көтерді, бірақ басқа иелермен келіспеушіліктерге байланысты (сол кезде Рамзи мейрамхананың 25% акциясына ие болған) ол Aubergine-нен кетіп, өзімен бірге толығымен қызмет көрсетуші персоналы мен ас үй персоналы кетті. Рамзидің айтуынша, бұл шешім оның мансабындағы ең қиын шешімдердің бірі болды, бірақ ол Рамзидің кәсіпкер ретінде өмірінің жаңа парақшасын ашуға итермеледі. Кейіннен Рамзиден мейрамхананың басқа иелеріне келтірілген залал үшін миллион фунт стерлинг талап етілді, өйткені мейрамхана қызметкерлердің болмауына байланысты Aubergine үш айға жабылуға мәжбүр болды. Сот ісі жақсы шешілді, бірақ егжей-тегжейлер ешқашан жария етілмеді.

Кәсіпкер

1998 жылы Рамзи өзінің алғашқы Gordon Ramsay at Royal Hospital Road мейрамханасын ашты. Бұл мейрамхана 2001 жылы үш Мишлен жұлдызын алып, Рамзиді сол кездегі Мишелиннің ең жоғары рейтингі бар жалғыз британдық шеф-аспаз және үш Мишлен жұлдызды бар жалғыз шотландтық шеф-аспаз аталды. Сол жылы ол шеф-патрон (фр. Chef Patron) ретінде "шарап" эпизодымен, яғни түскі ас ішіндегі шарап үшін алты банкирдің 44 мың фунт қалдырғаны, Ұлыбританияда танымал Pétrus мейрамханасын ашты. Pétrus Мишлен жұлдызына бір жылдан аз уақыт ішінде ие болды, ал 2007 жылы екі Мишлен жұлдыз иегері атанды.

Жеке өмірі

1996 жылы Гордон Рамзи мектеп мұғалімі Кайетана (Тана) Элизабет Хатчесонға (Cayetana Elizabeth (Tana) Hutcheson) үйленді. Олардың бес баласы бар: Меган (1998), егіздер Джек пен Холли (1999), Матильда (2001) және Оскар (2019). Гордонның үлкен балалары The F Word "телешоуының алғашқы екі маусымына белсенді қатысты.

Гордон Рамзи мейрамханаларының тізімі

Ұлыбритания территориясында

«Restaurant Gordon Ramsay» (үш Мишлен жұлдызы), Лондон
«Pétrus» (екі Мишлен жұлдызы), Белгравия
«Gordon Ramsay at Claridge’s» (бір Мишлен жұлдызы), Лондон
«The Boxwood Café», Лондон
«Maze» (бір Мишлен жұлдызы), Лондон
«Maze Grill», Лондон
«Foxtrot Oscar», Лондон
«Gordon Ramsay’s Plane Food» (Хитроу әуежайы, Лондон)
«Murano» (бір Мишлен жұлдызы), Лондон
«York and Albany», Лондон
«Union Street Café», Лондон

Ұлыбританиядан тыс елдерде

«Le Pressoir d'Argent - Gordon Ramsay》(екі Мишлен жұлдызы), Франция, Бордо
«Gordon Ramsay at The London» (екі Мишлен жұлдызы), Нью-Йорк, Америка Құрама Штаттары
«The London Bar», Нью-Йорк, Америка Құрама Штаттары
«Maze by Gordon Ramsay at The London», Нью-Йорк, Америка Құрама Штаттары
«Gordon Ramsay at The London, West Hollywood» (бір Мишлен жұлдызы), Батыс Голливуд, Лос Анжелес, Америка Құрама Штаттары
«Cielo by Angela Hartnett», Бока Ратон, Флорида, Америка Құрама Штаттары
«Gordon Ramsay at Conrad Tokyo», Токио, Жапония
«Verre at the Hilton Dubai Creek», Дубай, Біріккен Араб Әмірліктері — (2011 жылдың қазанынан бастап жабық)
«Gordon Ramsay at Powerscourt», Дублин, Ирландия
«Gordon Ramsay au Trianon» (екі Мишлен жұлдызы), Версаль, Франция
«La Veranda», Версаль, Франция
«Gordon Ramsay at Castel Monastero», Тоскана, Италия
«Gordon Ramsay at Forte Village», Сардиния, Италия
«The Gordon Ramsay Doha», Доһа, Катар
«Opal by Gordon Ramsay», Доһа, Катар
«Gordon Ramsay Steak», Лас-Вегас, Америка Құрама Штаттары
«Bread Street Kitchen Singapore», Сингапур

Пабтар

«La Noisette», Лондон
«The Narrow», Лондон
«The Devonshire», Лондон