Гүлнар Бердіқожақызы Әбілқайырова

Гүлнар Бердіқожақызы Әбілқайырова – 1986 жылы 16 желтоқсан көтерілісіне қатысқан қазақ жастарының бірі. Алматы облысы, Нарынқол ауданына қарасты «Сүмбе» ауылында 1964 жылы дүниеге келген.

1982 жылы мектеп бітіргеннен кейін бір жыл мектепте қызмет атқарады. 1983 жылы ҚазМУ-нің химия факультетіне кешкі оқуға түседі. Желтоқсан көтерілісі қарсаңында Алматы бас киімдер фабрикасында бригадир болып жұмыс істеген.

1986 жылы үнпарақтар таратып жүрген кезінде Қауіпсіздік комитеті қызметкерлерінің қолына түскен. 3 жылға бас бостандығынан айыру туралы үкім шыққан, алайда 6 ай түрме азабын шеккен. 1990 жылы 18 наурызда ақталып шығады.