Еллинек георг

Еллинек георг (16.6.1851, Германия, Лейпциг — 12.1. 1911, Гейдельберг) — неміс заңгері. Вена (1883), Базель (1889) және Гейдельберг (1891) ун-ттерінің проф. Ол мемлекетті айрықша қоғамдық құрылым әрі құқықтық құбылыс ретінде қарастырды. Сондықтан оның ілімі “әлеуметтік” және “құқықтық” салаларға бөлінеді, әрқайсысының өзіндік әдісі бар. Шын мәнінде, Е-тің зерттеулері формалды-догматикалық әдістерге сүйенді. Ол мемлекетті ерік қалауы бар әрі арнайы құқылар иеленетін, құқық субъектісінің қасиеттерін бойына жинақтаған индивидтер бірлігі ретінде сипаттады. Бұл анықтама мемлекеттің әлеум. мәнін ашып көрсете алмады. Е. Германиядағы монархиялық құрылыс жағдайында прогрессивті рөл атқаратын нормалар шығару арқылы мемлекеттің өктемдігін шектеуі туралы тұжырым жасады. Мемлекеттің өзін-өзі шектеу туралы ұсынысын ол егемендік ұғымымен сабақтастыра дамытуға тырысты. Е-тің әлеум.-құқықтық тұрмыс туралы ой-тұжырымдары 20 ғ-дағы еур. заң ілімінің, әсіресе, азаматтық құқықтың дамуына елеулі әсер етті. Шығ.: System der subjektіven Ш ffentlіchen Rechte, B., 1892; Общее учение о государстве, СПб., 1903.