Есептеу пайызы саясаты

Есептеу пайызы саясаты — орталық эмиссиялық банктің коммерциялық банктермен операциялар жүргізгендегі есептеу пайызын реттеу және басқа несие мекемелері пайыздық мөлшерлемелерінің қатарласа жүруі. Бұл саясат ұлттық валюта бағамын демеп, басқа валюталар бағамының беделін түсіруге бағытталған.

Шаруашылық жағдайы нашарлаған жағдайда, есептеу мөлшерлемесі төмендейді, мұның өзі несиелерді арзандатып, несие операцияларының кеңеюіне және елде инвестицияға деген сұранымның өсуіне ықпал етеді. Экономикалық өрлеу жағдайында орталық банктер есептеу пайызын өсіру арқылы несиеге деген сұранымды шектеуге тырысады.[1]

Дереккөздер өңдеу

  1. Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9