Жанат Әубәкірұлы Қажиев

Жанат Әубәкірұлы Қажиев (1949 жылы 1 мамырда Алматы облысы Қарасай ауданы Шамалған ауылында туған) — қазақстандық театр режиссері, Қазақстанның еңбек сіңірген қайраткері. Ғабит Мүсірепов атындағы Қазақ Мемлекеттік Академиялық балалар мен жасөспірімдер театрының қоюшы-режиссері. Т.Жүргенов атындағы Қазақ ұлттық өнер академиясының профессоры.

Жанат Хаджиев
Жанат Әубәкірұлы Хаджиев
Жалпы мағлұмат
Туған күні	1 мамыр 1949 (1949-05-01) (74 жас)
Туған жері	Алматы облысы Қарасай ауданы Шамалған ауылы
Азаматтығы	КСРО  Қазақстан
Мамандығы	театр режиссері, профессор
Белсенді жылдары	1972 - осы уақыт
Марапаттары	Қазақстанның еңбек сіңірген қайраткері

Жалпы мәліметтер

Жанат Әубәкірұлының ұлты - Қазақ. Әкесі - Қажиев Әубәкір, марқұм, қызметкер болып істеген. Анасы - Жандосова Мира, марқұм, қызметкер болып істеген.

Т. Жүргенов атындағы Қазақ ұлттық өнер академиясының профессоры (2009 жылдан). «Режиссер өмірі» кітабының (2008), монографияның (2009) авторы.

Білімі

Қазақ және орыс тілдерін біледі.

• 1956-1966 жж Мектеп қабырғасында оқыған.
• 1967-1972 жж КСРО Ленин орденді Мемлекеттік академиялық Кіші театры жанындағы М.С.Щепкин атындағы Мәскеу театр училищесінің актерлік факультетін актер мамандығы бойынша (Мәскеу;
• 1975-1980 жж Алматы мемлөкеттік театр-көркем сурет институтының режиссерлік факультетін режиссер мамандығы бойынша (1980) бітірген.

Еңбек жолы

• 1972 жылы алғашқы еңбек жолын Торғай облыстық драма театрын ашуға жолдама алып бастаған.
• 1972 жылдан - Торғай облыстықҚазақ музыкалық-драма театрының актері.
• 1973 жылдан - Кеңес Әскерінің қатарында қызметте.
• 1974 жылдан - Торғай облыстық қазақ музыкалық-драма театрында актер.
• 1979 жылдан - «Қазақфильм» киностудиясының қоюшы режиссері.
• 1982 жылдан - Торғай облыстық қазақ музыкалық-драма театрында бас режиссер.
• 1988 жылдан - Жезқазған облыстық театрында бас режиссер.
• 1999 жылдан бері - Ғабит Мүсірепов атындағы Қазақ Мемлекеттік Академиялық балалар мен жасөспірімдер театрының қоюшы-режиссері.
• 2000 жылдан Т.Жүргенов атындағы Қазақ ұлттық өнер академиясында дәріс оқиды, профессор (2009 ж бастап).

Жеке қасиеттері

Діни көзқарасы - мұсылман. Саяси қайраткер ретіндегі идөалы - М. Тэтчер. Қазақстанның болашағы туралы болжамы - «Оптимистік». Хоббиі - кітап оқу. Сүйіп оқитын әдебиеті - проза.

Жеке өмірі

• Жанат Әубәкірұлының жұбайы: актриса, Қазақ КСР еңбек сіңірген артисі Рашида Ғалиақбарқызы Хаджиева.

Марапаттары

• 1982 жылы ҚазКСР Жоғарғы Кеңесінің мақтау қағазымен марапатталған
• 2003 жылы Қазақстанның еңбек сіңірген қайраткері
• 2004 жылы тәуелсіз "Платинды Тарлан" сыйлығының лауреаты
• 2009 жылы Қазақ ұлттық өнер академиясының профессоры. (ғылыми атағы)
• 2016 жылы "ҚР тәуелсіздігіне - 25 жыл" медальі.