Жанбибі Сенбайқызы Дүйсенбаева

Жанбибі Сенбайқызы Дүйсенбаева Маңғыстау ауд.Тұщыбек а-да 1958 ж. Абай атындағы КазПИ-дің филология факультетін 1982 ж. үздік бітіріп, аспирантураға қалдырылған. 1982 жылдан Ақтау қаласындағы №1, №11, №20 мектептерінде үздіксіз еңбек етті. 1999ж. "Әбіш Кекілбаев прозасы" тақырыбында диссертациясын қорғап, филология ғылымының кандидаты дәрежесін алды. 2000-2008ж. Ш.Есенов атындағы Ақтау мемлекеттік университетінің, 2009-2013ж. Маңғыстау "Болашақ" ин-тының қазақ тілі мен әдебиеті кафедраларында меңгеруші. 2000-2013 ж. Маңғыстау біліктілік арттыру ин-тында кафедра меңгерушісі, әдіскер. 2010ж. "Әбіш Кекілбаев прозасы" (1999), "Әбіш Кекілбаев - суреткер" (2002), "Махамбет және Маңғыстау" (2003), "Ұлы даланың ұлан - ғайыр мұрасы" (Ә.Спанмен бірге, 2006), "Әбіш Кекілбаев шығармаларындағы тарихи таным" (2008), "Әбіш Кекілбаев және замана шындығы", "Әбіш әлемі", (2009), "Қаламгер құпиясы және шығарма шырайы" атты ғыл. зерттеулердің авторы. 200-ге тарта ғыл. мақаласы жарық көрді. Ә.Кекілбаевтың шығармаларын тиімді оқытуда әдістемелік нұсқаулық, мектеп мұғалімдері үшін 80 дана түсіндірмелі - көрнекілік плакат шығарған. А.Құдайбергеновтың, М.Нығметуллаевтың, С.Назарбекұлының, М.Ақмырзаевтың, С.Қондыбайдың, Т.Самалықтың еңбектеріне алғы сөз, ғыл.түсініктеме жазып, редакторлық жасаған. Махамбет ақынның 2003ж.ЮНЕСКО көлемінде тойланған мерейтойында Махамбет атындағы сыйлықты иеленді. Есімі "Қазақстан әйелдері", "Маңғыстау" энциклопедиясына енген. Облыс бойынша "Жыл адамы - 2010" байқауының "Жыл ғалымы" атағы берілген. "Қазақстан халық ағарту ісінің үздігі" төсбелгісімен, ҚР БжҒМ-нің құрмет грамотасымен марапатталған.