Жандос Бәделұлы

Жандос Бәделұлы – тұрақты әдеби псевдонимі Бесбоғда Алтай, (19.11.1978. Моңғолия, Баян-Өлгей аймағы.) - журналист.

Қарағанды облысы Шет ауданына қарасты Нұраталды ауылында орта мектеп бітірген (1996). Сол жылы Е.А.Бөкетов атындағы Қарағанды мемлекеттік университетіне оқуға түсіп журналистика мамандығы бойынша үздік бітірген (2000). «Жас Алаш», «Астана ақшамы» газеттерінде еңбек жолын бастаған, «Фолиант» баспасында редактор, кейінірек бас редактор, «Қазақстан теміржолшысы», «Айқын» газеттерінде тілші, ҚР Жоғарғы соты мен Әділет министрлігіне қарасты «Заң» медиакорпорациясында Астана өкілдігінің директоры, «Алаш айнасы» газетінде Астана бюросының басшысы болған. Сонымен қатар, Қазақстан Республикасы Президентi әкімшілігінде қызмет еткен. 2011 жылғы 11 тамыздан бастап «Профи Медиа» ЖШС бас директоры болды. Қазіргі кезде, 2015 жылдан бастап, Түркі Академиясы (халықаралық ұйым) Баспа, кітапхана және музей орталығының директоры. Әр жылдарда "Егемен Қазақстан" газеті бас редакторының орынбасары, "Егемен Қазақстан" республикалық газеті" АҚ басқарма төрағасының қаржы-шаруашылық және өндіріс бойынша орынбасары, "Егемен Қазақстан " республикалық газеті" ЖШС бас директорының шығармашылық және өндіріс бойынша орынбасары лауазымдарында еңбек еткен.

Қазақстан Жазушылар одағының мүшесі. Халықаралық «Шабыт» фестивалінің иегері (2001).