Жоашен дю Белле

Жоашен дю Белле, Иоахим дю Беллэ (фр. Joachim Du Bellay; 1522 жыл, Тюрмельер сарайы, Анжу (Франция) – 1 қаңтар 1560 жыл, Париж) — француздың атақты ақындарының бірі.

«Плеяда» қоғамының мүшесі және оның басшысы Ронсардың жақын досы. Католик дінін ұстанады, кейін Ронсармен кездескеннен кейін дінді тастап, толықтай поэзияға бет бұрады. 1547-49 жылдары Ронсармен және Ж.А. де Баифпен бірге Кокредегі колледжде білім алады. Тұңғыш шығармалар жинағы «Зәйтүн» («L’Olive») деген атпен жарыққа шығады. 1552 жылы «Энеидтер» атты 4 томдық аудармалар жинағын құрастырады.