Жол беру
Жол беру – қазақ халқының дәстүрлі әдет-ғұрпындағы этикалық жоралғы. Дәстүрлі әдет нормалары бойынша, жасы кіші үлкен кісіге бөгет жасамай, жол босатады, үй ішінде ол төрге отырғанша түрегеліп тұрады, астан дәм татар кезде де осы жоралғы сақталады. Көшпелі халықтардың соғысу дәстүріндегі жекпе-жек кезінде де қарсыластардың жасы кішісі үлкеніне бірінші соққы жасау немесе жебемен ату кезегін берген. Аңшылық кезінде де жасы үлкен кісі бірінші болып оқ шығарып, олжаның алғашқысын иеленген. Қазақ әйелдерінің ер адам келе жатқанда алдын кесіп өтпей, тосып тұрып жол беруі де әдептіліктің белгісі саналады. Сондай-ақ, қазақ ғұрпында жасы кішілігіне қарамай, “жолы үлкен” деп, алыстан келген сыйлы қонағына, қадірлі жекжат-жұрағатына, кейде қызметі мен шені үлкен кісілерге жол беру дәстүрі бар.
Сілтеме өңдеу
Қазақ энциклопедиясы
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|