Қысқаша мәлімет өңдеу

ЖЫЛЫМ ТОР – балықты сүзіп аулауға арналып, жуан жіптерден тоқылатын ау. Оның өлшемі балық ауланатын судың тереңдігіне сәйкес тоқылады. Мыс., ұзындығы 900 м, 800 м, 500 м, ал ені әр түрлі болады. Ж. т.: шонтай (тор көзі 32 – 36 мм, ұзындығы 20 – 25 м), жетек (тор көзі 40 – 45 мм, ұзындығы150 – 200 м, ені 8 – 9 м), қосымша жетек (тор көзі 45 – 50 мм, ұзындығы 200 – 250 м, ені 6 – 7 м), қанат (тор көзі 50 – 60 мм, ұзындығы 200 – 250 м, ені 4 – 5 м) деп аталатын бөліктерден тұрады. Осы бөліктердің жиегіне жуандығы 45 мм, ұзындығы 500 м арқан байланады. Ж. т-ды жағалаудан бастап балық мол болуы мүмкін су айдынының белгілі бір бөлігін қоршай төгеді. Содан соң қоршауда қалған балықты сүзіп жағалауға жақындату үшін Ж. т-дың шеттеріне байланған арқандарды жағалаудағы шығырға орап, шығырды аттардың немесе түйелердің күшімен қозғалысқа келтіреді. Ж. т-мен 1 ц-ден 1000 ц-ге, кейде одан көп балық ұстауға болады. [1]

Сілтемелер өңдеу

Дереккөздер өңдеу

  1. Қазақ энциклопедиясы