Жұмаш Әубәкіров

Жұмаш Әубәкіров (1920-1994), партия, кәсіподақ қызметкері. Қазіргі Бұқар жырау ауданының түлегі. Республикалық партия мектебін (1951), ҚазМУ-ді (1952) бітірген. Ұлы Отан соғысына (1941-1945) қатысушы. Соғыстан кейін партия және комсомол жұмысында болады: Қазақстан КП Октябрь аудандық және облыстық комитеттерінің нұсқаушысы, Қарағанды қалалық комитетінің бөлім меңгерушісі, хатшысы, Октябрь аудандық комитетінің 1-хатшысы. 1970-78 ж. кәсіподақтары облыстық кеңесінің төрағасы. 1978-1987 ж. облыстық халықтық бақылау комитеті төрағасының орынбасары. КОКП 24-съезінің, Қазақстан КП 13-15-съездерінің делегаты. 2-дәрежелі Отан соғысы, Еңбек Қызыл Ту, «Құрмет Белгісі» ордендерімен, медальдармен марапатталған. Қарағанды қаласының құрметті азаматы.[1]

Дереккөздер өңдеу

  1. “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9